Month

ብምኽንያት ግንቦት 24 መዓልቲ ነጻነት፡ መግለጺ
ዲሞክራስያዊ ውድብ ብሄረ ብሌን ኤርትራ (ዲውብብኤ)።

ግንቦት 24 ኣብ ታሪኽና ኣገዳሲን ፍሉይ ምዕራፍ ዝሓዘት፡ ብህዝብታት ኤርትራ ወትሩ እናተዘከረት እትነብር ክብርቲ ዕለት`ያ። ህዝብታት ኤርትራ ኣብ’ቲ ዝተናውሐ ኣንጻር ባዕዳዊ መግዛእታዊ ዘካየድዎ ቃልሲ፡ ክቡር ሂወቱ ብምኽፋልን፣ ኣካላቱ ብምስልካል፣ ናብራኡ ብምዝንባል፣ ከርፈሕ ናብራ ስደት ተጻዊሩ ክትግምቶ ዘጸግም ብርሰት ንብረትን ጥሪትን ግዜን ከፊሉ ነዛ ክብትሪ ዕለት እዚኣ ጋህዲ ክትከውን ገይሩ፣ እዚ መዘና ዘይብሉ መስዋእቲ ተኽፊልሉ ዝሓለፈ ቃልሲ ዘረጋገጾ መኸሰባት ክብደቱ ምፍላጥን ምዕቃቡን፡ ኣብ ግብሪ ምትርጓምን ናይ ነፍሲ ወንከፍ ኤርትራዊ ሃገራዊ ሓላፍነት’ዩ። ብዓቢኡ ድማ ናይ መንግስቲ ይኸውን። እንተኾነ ፋሺሽታዊ ስርዓት ኢሳያስ ተጠሊምና ኣሎና። ነቲ ዝተጠልምናዮ ዲሞክራስያዊ መሰላትን ሕድሪ ስውኣትናን ዳግም ተቃሊስና ዝተማልኤ ሓርነት ክንጎናጸፍ ምስ ነብስና መብጽዓ እንሕድሰላ ክብርቲ ዕለት’ውን`ያ።

እዛ ሎሚ ንመበል 23 ግዜ እነብዕለላ ዘለና ማዓልቲ ናጽነት ሃገርና፡ ኣብ ቅድሚ ኣዝዩ ዘሰክፍ ድሙቅ ዝኮነ ታሪኻዊ ሓቅታት ደው ክንብል ተገድደና ኣሎና፡፡ ንሱ ድማ፤ እቶም ምእንቲ ህዝቦም ንሓንቲ ደቒቅ እውን ትኹን ነታ ክብርቲ ሂወቶም ከይ በቀቁ በጃና ዝሓለፉ ጀጋኑን ስውኣትን ከምኡ`ውን ኣካለ ስንኩላትን እናመጎስና ብኣኽብሮት እናዘከርና ብዓቢኡ ከኣ ንዝተጠልመ መብጽዓ ብምረት ምዝካርን’ዩ። ጀጋኑ ስውኣትና እቲ ምእንትኡ ክቡር ሂወቶም ዝበጀዉሉ ህዝብታት ብሄራዊ መንነቶምን ሰብኣዊ ክብሮም ተኻሒዱ፡ ልክዕ ከምተን ዝበዝሓ ኣብ 1960ታት ካብ ኢሮጳዊ ቀጥታዊ ባዕዳውያን መግዛእቲ ሓራ ዝወጻ ሃገራት ኣፍሪቃ፡ ካብ ህዝቢ ዝተነጸሉ መራሕቲ ኣብ 2014 ሃገርና እዚ ዕጫ ክበጽሓ ምርኣይና ብጣዕሚ ዝሕዝን እዩ። ስርዓት ህ.ግ.ደ.ፍ ብስራሓት ህዝባዊ ሰራዊት ክምካሕን ክጃሃርን ሽምማዊ ናጽነትን መዝሚዙ ንቡዙሓት ግሩሃት ዜጋታት ትርጉም ብዘይብሎም ዘብለጭልጩ ጭርሓታትን ሓረጋትን እንዳታለሌ ንረብሕኡ ከምዘውዕላን ንንቅሓት ህዝቢ ከም ዘጎድመላን ንሃልኪ ክምዝጥቀመላን ፍሉጥ እዩ።

ንልዕሊ 50 ዓመታት ብረታዊን ፖሎቲካውን ቃልሲ ተኻይዱ፡ ቅድሚ 23 ዓመታት ነጻ ዝወጸት ሃገር፡ ሎሚ ዜጋታታ መሬት ዓዲ’ቦ ክም ዕንቊ ጸቢባቶም፡ ሰብኣዊ ክብሪ ተረጊጹ፡ ኣብ መወዳእታ ዘይብሉ ጊላነት ተቀይሮም ኣለው። ኤረትራውያን መንእሰያት እቶም ናይ መጻኢት ኤርትራ ተስፋ ክኾኑ ዝግባኦም፡ ሎሚ ዓቅሎም ጸቢብዎም ካብ መንጋጋ ስርዓት ፋሺስቲ ከምልጡ ገና መሬትን ዶብን ኤርትራ ከይ ሰገሩ ብኣራዊት ይብልዑ፡ ካብኡ ዝሓለፉ ድማ ኣብ ኢድ ጨካናት ይወድቁ ኣለው። ነዚ ኩሉ ተጻዊሮም ምስ እንተ ሰገሩ ድማ ኣብ ምድረ-በዳታትን ቃላያትን ክቕዘፍን ኣብ ቤት-ማእሰርቲ ጎረባብቲ ሃገራት ሓታቲ ዘይብሎም ክሳቐዩን ንርኢ ኣሎና።

ኤርትራ ሕብረ-ብሄራዊት ሃገር እያ። ድሕሪ ናጽነት ንብዙሕነትና ማእከል ዝገበረ፡ ኣብ ማዕርነትን ጽኑዕ ህዝባዊ ደሞክራሲያዊ ትካላትን ክትህነጽ ትጽቢት ኩልና ኔይሩ። ህዝብታትና መንነቶም ቋንቕኦም ባህሎም ታሪኾም ተኸቢሩሎም ብማዕርነትን ብምክብባርን ምክእኣልን ብሓባር ጸጋታት ሃገር ኢኮኖሚያውን ፖለቲካውን ረብሓታት ክጎስዑ ምተገብኤ። እዚ ግን ተኻሒዱ ወርቕን ካልእ እትዋት ሃገርን ኣብ ጅባ ፋሺስቲ ይኣቱ ኣሎ፡፡ ሎሚ ብሄርትን ብሄረሰባትን ኣብ ትሕቲ ዘስካሕክሕ ብሄራዊ ጭቆናን ኣድልዎን ደርባዊ ወጽዓታትን ይሳቀያ ኣለዋ፡፡ ሰርዓት ህ.ግ.ደ.ፍ ንህዝብታትና መንነቶምን ህላወኦምን ክሒዱ፡ ቋንቋኦም፤ ባህልም፤ ክብርታቶም ረጊጹ፡ ኣብ መንጎኦም ነውሕ ግዜ ወሲዱ ዘተሃንጸ ሕውነታዊ ዝምድናን ምክብባርን ንምብታኹ ይጽዕር ኣሎ፡፡ ኣብ ክሊዚ ኢና ናይ ሎሚ ዓመት መበል 23 ናጽነት እነብዕላ ዘለና።
ብርግጽ ሎሚ፡ ዲሞክራስያዊ ውድብ ብሄረ ብሌን ኤርትራ (ዲውብብኤ)እዚ ኣብ ላዕሊ ዝጠቀስናዮም ሃዋህው ንሃገርና ኣካቢቦማ ይሃልው፡ 24 ግንቦት መዓልቲ ነጻነትና ከነብዕል እንከሎና ነዚ ሕማቕ ከውንነት ክንቅይር፡ ተሪር ናይ ቅልሲ ንየት ዓትርና፡ ንቅድሚት ዓማዕዲና እንርእያ ሽግ ሓርነት ከም እንጎናጸፍ ኣይንጠራጠርን። ምስ’ዚ ድማ ኣብ ፍቶታዊ ሓድነት ህዝብታት ዝተመስረተት ዜጋታታ ዝኽብሩላ፡ ዲሞክራስያዊት ኤርትራ ክትምስረት ምኻና ኣሚኑ ዮሃና ንህዝብብታትና እናበለ ዝቃለስ ዘሎ።

ኣብ መወዳእታ ዲሞክራስያዊ ውድብ ብሄረ ብሌን ኤርትራ (ዲውብብኤ)በዛ ክቡርቲ ኣጋጣሚ`ዚኣ ንኩሎም ንለውጢ ዝቃለሱ ሓይልታት፡ ንዘሎ ካልኣዊ ፍልልያት ንጎኒ ገዲፍና፡ ኣብ ክሊ ተመስሪቶም ዘለዉ ግንባራት ዓሲልና፡ ጸረ ቐዳማይ ጸላኢና ፋሺስታዊ ስርዓት ኢሳያስ ደው ክንብል ይጽውዕ።

 
ዮሃና ንኹሉ ህዝቢ ኤርትራ!!!
ዘልኣለማዊ ክብሪ ንጀጋኑ ስውኣትና!!
ዓወት ንደሞክራሲያዊ ቃልሲ ህዝቢታት ኤርትራ!!
ውድቀት ንፋሽስታዊ ስርዓት ኢሳያስ!!
ዲሞክራስያዊ ውድብ ብሄረ ብሌን ኤርትራ (ዲውብብኤ)። 24 ግንቦት 2014
EMAIL: D.O.B.N.E, <[email protected]>

መልቀስ
ተጋዳልይ ኣስገዶም ወዲ ባሻይ
ወየ!!!!ወየ!!!!!ወየ!!!!!!

ኣንታ ብካልፎርንያ እንታዩ ዝውረ!
ኣንታ ኣብ ኦክላንዲ እንታዩ ዝውረ!
ኣንታ እዚ ጥዑም ቃሉ ሰፈርዶ! ቐየረ!
ወዲ ባሻይ ኮይኑዶ! ነበረ!!!! ነበረ!!!!! ነበረ!!!

ኣስገዶም! ወዲ ባሻይ! ዉፉይ ተጋዳላይ
ንዓኹም! እምበር ዘይብል! ንዓይን ንዓይ
ዋላ እንተ ሰኣነ ተለቒሑ ዝቕርብ ሽሻይ
ስምካ! እምበር ነበረ! ኣንታ መምጽእ ሽሻይ!!!!!!!
ስሓቕ ዝኣመሉ! ኣብ ኩሉ ቐላሳይ! ቐላሳይ!!!
ንስኻ ዘይብሉ ኣይጥዑምን! እዩ ዳሕራይ!!!!!

ወዲ ባሻይ ብዓል ዱባሩባ!!!!!
ወዲ ጽልማ!! ኢኻ ወዲ ዓቢ ኹርባ!
ወዲ ሎጎ ጭዋ! ንመረብ ዝቐርባ!
መፈልፈል ናይ መረብ! ዓቢ ሩባ
ዓደይ! ዓደይ!!!እንዳበልካ ጸሓይዶ! ዓሪባ!!
ኤርትራዊ ምዃን! ኮነ እምበር ጸበባ።

ወዲ ባሻይ!! ቖልዓ ናይ ጽልማ
ኣብ ደንደከል ጸሓይካ ሓሲማ
ምስ ስድራኻ መዓልቲ ጸሊማ
ዝነበረ ጸገም ሳላ ተ.ሓ.ኤ.! ተሓⶔማ
ድሕሪ ብዙሕ ጻዕሪ ሽግር ተጟዕሚማ
ካሊፎርንያ ኣተኻ ሽሻይ ዝስለማ
ዕድመኻ ተዛዘመ ኣብ ስደት ፈለማ።

ወዲ ባሻይ ኣንታ ፈታው ኩሉ
ሕማም ረኸበካ ግዜ ዘየዳሉ
እዞም ፈተውትኻ እንታይ ክብሉ
ይኣኽለካ እምበር ክንደይ ተዘሊሉ
ናብራ ኣይጥዑምን ንስኻ ዘይብሉ
ስንብታ ካብ ኮነ ግዜኻ ኣኺሉ
ኣምላኽ ይቐበልካ ኣብ ጽላሉ።

ጽንዓት ይሃብኩም ንኹሎም ስድራቤትን ፈተውቲን መቓልስትን
ተጋዳላይ ኣስገዶም ገረመድህን ወዲ ባሽይ።
ዝፈትወካ!!! ተኻፋሊ ሓዘን!!

 
ሃይለ ገብረትንሳኤ
ኢንድያናፖሊስ ኢንድያና 20 ግንቦት 2014

18 -year-old Ghirmay Ghebreselassie from Eritrea was the first man to cross the finish line in the 35th edition of Gothenburg shipyard at time 1:00:36 . He received the people’s jubilation as the youngest winner ever. (TT)

18 -year-old Ghirmay Ghebreselassie from Eritrea was the first man to cross the finish line in Gothenburg shipyard at time 1:00:36. He ran alone into Slottsskogsvallen and received the people’s jubilation as the youngest winner ever in the event’s 35 -year history.

In the women’s class won Worknesh Degefa from Ethiopia at the time 1:10:12. She pulled early from their competitors and could run into the winner twelve seconds ahead of second and countrywoman Tadelesh Bekele Alemu.

Any thought at first that the winner had set a new track record in Gothenburg shipyard by three seconds. But it turned out to be wrong. A technical error had slipped in and all the first 200 runners cross the finish line will receive a supplement of 14 seconds.
I have no precise explanation. It was a glitch, and was due at the start of the elite group. All others get real times. We have manual backup times and when we checked them we realized that they were not consistent, says Per Crona, director of elite runners.

Dear Swedish became Johan Larsson, contestants for Stromstad at time 1:05:58, which was enough for 15th place. Best Swedish became Emma Nordling at time 1:17:37, which gave a seventh place among the ladies and 70th overall.

The favorite Viktor Kipchirchir had lost contact with the lead pack , which consisted of a quartet including Ghirmay Ghebreselassie , already at five kilometers. Eritrea released a bit back to the forefront after a mil , but quickly came back . From 15 km increased Ghebreselassie distance gradually runner Richard Mengich, Kenya. Abraham Kiplimo, Uganda, was third.

64,000 notified elite runners and athletes from 48 nations gathered in Slottskogen to participate in the world’s biggest half marathon.

ንብስራት!
ሬድዮ ሕድሪ ሰማእታት ኤርትራ

ኣብ ቀረባ መዓልታት ምዱብ ፈነወኣ ክትጅምር ኢያ።

ኣብ ቀረባ መዓልታት፡ ሬድዮ ሕድሪ ሰማእታት ኤርትራ ኣብ ጎድኒ እተን ሓርነት ንምድላይ ዘይሕለል ጻዕሪ ዝገብራ ዘለዋ ሚድያታት ደለይቲ ፍትሒ፡ ደው ክትብል ኢያ። ንሓቂ ካብ ሓሶት ንክትፈሊ ሃሰው እትብል ሬድዮ ሕድሪ ሰማእታት፣ ካብ ሃገረ ካናዳ ብኢንተርነት ምትሕልላፍ ክትጅምር ኢያ። እዚ ኣብ ዱሮ 23 ጓንጓ ናይ ናጽነት ዓመታት ዝጅምር ዘሎ መደብ እዚ፡ ነቲ ኤርትራዊ መንነት ኣጋጢሙዎ ዘሎ ሓደገኛ ፍግረ-መሬት ዝከላኸል ሃገራዊ ጀሪፍ ንክኸውን ከኣ ንትስፎ። ሎሚ ስለ ሕድሪ ሰማእታትና፡ ንዳግማይ ትንሳኤ ኤርትራውነት ሱባኤ ንእቶ።

ሬድዮ ሕድሪ፤ ኣዕኑድ ክብርታት ኤርትራ ሃገርና /ባህሊ፡ ያታ፡ እምነት፡ ስነ-ምግባር፡ ስነ-ጥበብን ታሪኽን/ ንምዕቃብ ዝከኣላ ንምግባር ትሸባሸብ ኣላ። ኣብዚ ዘመን ህግደፍ፡ ሰረገላ ብቕድሚት፣ ፈረስ ከኣ ብድሕሪት ኮይኖሙሉ ዘሎ ህሞት፤ ሬድዮ ሕድሪ ኣብ ሙሉእ ዓለም ንዘሎ ኤርትራዊ ወለዶ፡ ብዝተፈላለዩ ሃገራውያን ዜማታት ማእኪላ ናይ ኩላተን ብሄራትና ደርፊን ያታን ንምዕቃብ ናብ ረዚን ሃገራዊ ማህሌት ኣሃዱ ክትብል ኢያ።

ኣብዚ ብኢንተርነት ኣብ ሰሙን ሰለስተ ግዜ /ሰሉስ፡ ሓሙስን፡ ቀዳምን/ ዝፍኖ መደብ እዚ፡ ደርፊታት 60ታት፡ 70ታትን 80ታትን፣ ከምኡ እውን እቶም ዝተረስዑ ኣብ ግዜ ብረታዊ ቃልሲ ኣብ ክልቲኡ ውድባት ዝተደርፉ ዜማታት ክቐርቡን ክስምዑን ኢዮም። እቶም ብዝተፈላለዩ ስነ-ጥበበኛታት ሃገርና በብግዚኡ ዝፈረዩ ዜማታት፡ ንብረት ህዝቢ ኤርትራ ደኣ እምበር ንማንም ውድብ ወይ ስርዓት ዝብጽሑዎ ኣይኮኑን። ናይ ህግደፍ ደርፊ፡ ናይ ህግደፍ ድራማ የለን። ህግደፍ ኣብ ዘመነ-ኣካሒዳ ዝተወልደ ሓድጊ ዘይብሉ ጭደል ኢዩ። ኩላቶም ስነ-ጥበባዊ ክብሪ ዘለዎም ባህልታት፡ ካብ ግራት ህዝቢ ዝተሓፍሱ፡ ኣብ ዳንዳን ቆፎን ህዝቢ ኤርትራ ዝፈረዩ ምህርቲ ብዙሓን ኢዮም። ስለዚ ኩሉ ቅድምን ደሓርን ብደቂ ኤርትራ ዝፈረዩ ስነ ጥበባዊ ስራሓት፡ ግምጃ ህዝቢ ኤርትራ ኢዮም።

ሬድዮ ሕድሪ፡ ላህጃ ብሄራትና ዝገልጹ ንሃገርን ሃገራውነትን፡ ስለ ፍቕሪን ጽንዓትን ዝተደርፉ ዜማታት፡ ኣውሎታትን ማሰታትን፤ ጥቕስታት ሓርበኛታት ኤርትራውያን፡ ጽሑፋት ቀደም ከምኡ እውን ንክብርታትና ዘላህምቱ ናይ ሬድዮ መዘናግዒ መደባት በብቋንቋኡ ንምዝርጋሕ ክትጽዕር ኢያ።

ኣብ ፈነወ ሬድዮ ሕድሪ፡ ብድሕሪ ናጽነት ብዝተፈላለዩ ኤርትራውያን ስነ-ጥበበኛታት ዝተዘየሙን: ኣብ ደገ ብደለይቲ ፍትሒ ኤርትራውያን ዝተደርፉን ክቐርቡ ኢዮም። ብዘይካ ሃገራዊ ደርፊታት፡ ነቲ መራሒ ህግደፍ ኢሳይያስ ኣፈወርቂ በብዓመቱ ዘመሓላልፎ ዝነበረ ምስሉይን ብሓሶት ዝተላዕጠጠን ቃለ-መጠይቓት ተለቪዥንን መጽሔታትን እውን ምስ ዝተፈላለዩ ምኩራት ደቂ ኤርትራ እናተራኸበት፣ ንሓቂ ካብ ሓሶትን ብድዐን መምያ፡ ከም ጸባን ማይ-ጨባን ንምፍላይ ክትጽዕር ኢያ ። ከምቲ በይኑ ዝምጉት ዝረትዖ የብሉን፡ ንበይኑ ዝጎዪ ከኣ ዝቕድሞ የብሉን ዝበሃል፤ ንቃለ-መሕትታት ኢሳይያስ ክሳብ ሎሚ በዳሂ ግብረ-መልሲ ኣይተዋህቦን። ኤርትራ ኣብ መጀመርታ ተስዓታትን እዋን ሚለንየምን ከመይ ትመስል ከም ዝነበረት፡ ብድሕሪ ኲናት ባድመን ማእሰርቲ ሓሽከት ዜጋታትን፣ ሎሚን ከመይ ትመስል ከም ዘላ ክዝርዘር ኢዩ።

ካብ ሃገረ ካናዳ ዝፍኖ ሬድዮ ሕድሪ ሰማእታት፡ ነቲ ኤርትራዊ ክብርታት ኣጋጢሙዎ ዘሎ ታሪኻዊ ስንክልና፡ ምርኩስን ዕርፊን ንምዃን ዝከኣላ ግደ ንምብርካት ክትሰርሕ ኢያ። እቲ ባህሊን ቅርስታትን ናትና ናይ ህዝቢ ንብረት ኢዩ። ጉጅለ ህግደፍ ግን ዘይንብረቱ ክነሱ ይሰርሓሉን ይነብረሉን ኣሎ። ሬድዮ ሕድሪ ንብረት ህዝብና ናብ ዋናታቱ ንምምላስ፡ ዝከኣላ ንምግባር ክትብገስ ኢያ።

ታሪኽ ከም ዝምስክሮ፣ ኣብ ሙሉእ ዓለም ዘሎ ህዝቢ መንነቱ ንምዕቃን ዓደቡኡ ንምኽባርን ኢዩ ዝሰርሕ፡ ዝቃለስ፡ ዝዋጋእን ዝስዋእን ዝነበረን ዘሎን። ዓደቦ ከኣ ብታሪኽን ክብርታትን ዝላህመተት ተፈታዊት ጓል ሔማ ኢያ። ንሕና ኤርትራውያን እምበኣር ነታ ኣቦታትናን ኣቦ ሓጎታትናን ዘመሓላለፉልና፤ ኣብ 30 ናይ ሰውራ ዓመታት 65 ሽሕ ሂወት በራውር ደቂ ህዝቢ ዝተኸፍለላ፤ ከምኡ እውን ኣብቲ ህግደፍ ብስዉር ዝሸርጠጦ ኲናት ባድመ ዓሰርተታት ኣሽሓት ሂወት ዝተኸፍለላ ሃገርና ወትሩ ከም ብሌን ዓይንና ክንሕልዋ፡ ምስንኻል ኣብ ዘጋጥመሉ ግዜ እውን ዋጋ ከፊልና ንዳሕረዎት ወለዶታትና ከነመሓላልፋ ሕድሪ ኣሎና።

እቲ ናይ ሕብረተሰብ ናይ ለውጢ ሓዋርያት ዝኾነ መንእሰይ፡ ነታ ከም ዑፍ መስቀል ንእንኮ ግዜ ጥራይ ዝተራእየት ሓርነት ናብ ንቡር ቦትኣ ንምምላስ፣ ንመሬቱ ናብ ተካእቱ ወለዶታት ንምውራስ ልዕሊ ኩሉ ጾር ኣለዎ። ከምቲ ነደቕቲ ዝነዓቑዎ እምኒ፡ ንሱ ርእሲ መኣዝን ኮነ ዝብሎ ቅዱስ መጽሓፍ፤ ኮምፓስ እዚ ፈነወ እዚ ድማ ብቐንዱ ንመንእሰይ ወለዶ ኤርትራ ብታሪኽን ክብሪታትን ዘማእዝን ክኸውን ኢዩ።

ካብ 1991 መዓልቲ ናጽነት ክሳብ ሎሚ ንዘሎ ጉዕዞ ታሪኽ ኤርትራ ኣብ እንዕዘበሉ ግዜ፡ እቲ ንሃገር ከም ሃገር መጠን ደው ዘበሎ ሃገራዊ  መቖምያታት በብዓመቱ እናዓነወ ይኸይድ ኣሎ። ሬድዮ ሕድሪ ሰማእታት ’ምበኣር ባህሊ፡ ያታ፡ ስነ-ጽሑፍ፡  ታሪኽ፡ ወ.ዘ.ተ… ዝብሉ ኣርእስትታት ሒዛ ናብ ኣየር ክትዝርጋሕ ኢያ። ኣብዚ መደብ እዚ፡ ካብ ቅድሚ ናጽነት ክሳብ ሎሚ ብዝተፈላለዩ ዜጋታትና ዝተጻሕፉን ዛጊት ናብ ህዝቢ ዘይተመሓላለፉን ኣገደስቲ ጽሑፋት ክንበቡ ኢዮም።

ኣብዚ ተኣፋፊ ግዜ፡ ነዛ ቅርሲ ኤርትራውያን ንምዕቃብ ትብገስ ዘላ ሬድዮ ሕድሪ፡ ኩሉ  ዜጋ ብኢንተርነት፡ ብሞባይል፡ ኣይፓድ፡ ኣይፎን ወ.ዘ.ተ… ንክከታተላን ርእይቶኡ ንክልግሰልናን  ንትስፎ። ምጅማር እዚ ዕዮ’ዚ ይጽንሓለይ ዘይበሃሎ ሃገራዊ  ወፈራ ኢዩ።

ሬድዮ ሕድሪ፡ ብስካይፕን ተለፎንን ምስ ብዙሓት ደለይቲ ፍትሒ፡ ሞያውያን፡ ምሁራትን ዝተፈላለየ ኣረኣእያ ዘለዎም ኤርትራውያንን ዝርርብ ክትገብር ኢያ። ንዝሓለፈን ዘሎን ታሪኽን ጉዕዞን ኤርትራን ህዝባን ብሱል ዝርርብ ክግበር ድማ ዝከኣለና ምድላዋት ክንገብር ኢና።

ተመኩሮኹም ናብ ሰማዕቲ ንምትሕልላፍ ብዘይ ምሕላል ክንሰርሕ ኢና’ሞ፡ ምትሕብባርኩም ከም ሞባእ ደብሪ ጌርና ክንርእዮ ኢና። ንርእይቶ ወይ ሕቶ፡ ወይ’ውን ዝኾነ ኣበርክቶ ንምግባር በቲ ቀጺሉ ዝስዕብ ወብ ሳይት ኣድራሻና ንክትረኽቡና፡ ወይ እውን ብፈይስ ቡክን ስካይፕን ብጽሑፍ ወይ ብድምጺ ሓበሬታኹም ንከተካፍሉና ንሕብር።

’ጉዕዞ ሽሕ ኪሎ ሜተር ብሓደ ስጉምቲ ኢዩ ዝጅመር’ ከም ዝበሃል፣ ናብቲ ብማዕዶ ዝረአ ዘሎ ጥርዚ ሓርነት ህዝቢና ንምብጻሕ ብሓደ ስጉምቲ ኣሃዱ ኢልና ንብገስ ኣለና። ከምቲ ውሉደ ክህነት ዝብልዎ፡ ንዝረቐቐ ከም ረጒድ፣ ንዝቀጠነ ድማ ከም ሓፊስ ጌርኩም ንክትርእዩዎ እውን በዚ ኣጋጣሚ እዚ ነዘኻኽር። ፈነወ ሬድዮ ብኢንተርነት ብዙሕ ሓላፍ-ዘላፍ ክህልዎ ኢዩ። ብዘይካ ተክኒካዊ ሕጽረት፡ ተመኩሮ እውን ንገዛእ ርእሱ ዓንዲ ማእከል ስለዝኾነ፤ ጉድለታትና ንምእራም ክንጽበ ኢና።

ንኺድ ከምዚ ሕጂ! ኣብ መንጎ መዶሻን ኡንኵዲኖን ንዝተቐርቀረ ስርዓት ማፍያ፡ ዕምሩ ንምሕጻር እወ ንኺድ። ዘይበሊ ነገር የለን፡ ውዒሉ ሓዲሩ ኣካይዳናን ድምጽናን ክሰምር ኢዩ! ነቲ ሽሕ ኪሎ ሜተር ከም ንበጽሖ፡ ንኣምን ኢና።

ደበሳ ኢዮብ ንህዝቢ ኤርትራ!
ሬድዮ ሕድሪ ሰማእታት።

15/ግንቦት/2014