Category

ጋዜጣዊ መግለጺ ዲሞክራስያዊ ውድብ ብሄረ ብሌን ኤርትራ/ሆደ
ገምጋምና ድሕሪ ሰላማዊ ሰልፊ ጀኔቭ 23.05.2016፣
‘’በትሪ ሓቂ ትቀጥን እምበር ኣይትስበርን’’

ካብ ነዊሕ ግዜ ህዝቢ ኤርትራ ንሓርነት ዘሚርና ደሪፍና ሰላማዊ ሰልፊ ጌርና ተኣሲርና ተሰዲድና ክሳብ ብረት ዓቲርና ሂወትናን ኣካልናን ሃብትናን ግዜናን ሰዊእና። ኣውያት ህዝብና ግን ባህግን ጽቡቕ ተስፋን እንበር ክሳብ ሎሚ ሙሉእ ብሙሉእ ኣይተዓወተን። ሰብ ክዉለድ ከሎ ሓራ’ዩ። ንሓርነቱ ከኣ መሬት ወላ ከም ኣፍ እንቚ ትጽበብ እንበር ኣሕሊፉ ኣይህብን’ዩ። ናይ 1961ዓም ብረታዊ ቓልሲ ንዕብየትን ንዝናን ናይ ዉልቐሰባት ዘይኮነ ንሓርነት ህዝቢ’ዩ ተበጊሱ። እንተኾነ ኣከዋውናና ማሕበራዊ መቆምያታትና ብግቡእ ከይተጸንዔ፣ ንድልየታታትና ብግቡእ ዝሕልዎ መርሕ ከይተጠርየ ብድልየትን ብተስፋን ስለዝተጓዓዝና ሂወትን ግዜን ወዲኡ ነቲ ዝተብገሰሉን ዝሰንከለሉን በሊዑ ፍጻሜኡ ንረብሓ ከዳዓት ኮይኑ።

ህዝብና ኣብ ናጽነት ኣሎኹ እናበለ ሂወቱ ‘’ዎጮ እንተገምጠልካዮ ዎጮ’’ ኮይኑ ኣብ ዝተዓጻጸፈ ፍርሕን ምሽቑራርን ምሕቓቕን ይነብር ኣሎ። ጉጅሌ ኢሳያስ ሃገር ብዘይ መቆምያታት ከቑሙ ክብሉ ክበርን መሰል ዜጋታት መንጢሎም ‘’ስልጣና’’ ክብሉ ህዝብን ሃገርን ይርምሱ ኣለዉ። ኤረ ሃገራውነት ብብልሕን ብቓልስን ብመስውእትን ብሕድገትን ዝነበረትን ዝመጽኤትን ሎሚ ሃገራውነት፣ ብ2%ን፣ ብባርነት ሃገራዊ ኣገልግሎትን፣ ንጻዕዳ ጸሊም ብምባልን፣ መንነትካ ብምሕባእን፣ ኮበሮ ኲናት ብምዉቓዕን ገይሮሞ ነዚ እንቢ ዝበለ ህዝብና ኣድጊ ዘይትጾሮ ወጽዓ ዪወርዶ ኣሎ። ፋሺሽታዊ ጉጅሌ ኢሳያስ ንስልጣኑ ክብል ዘይሰማዕናዮን ዘይረኤናዮን ካብ’ዚ ንላዕሊ ጭቆናን ጥፍኣትን ኣብ ልዕሌና ከውርድ’ዩ።

እንተኾነ ‘’ሓቂ ብርእሳ እንተቐበርካያ ብእግራ ትወጽእ’’ ከም ዝበሃል መሰል ዝሓትት ህዝቢ ብዝኾነ መሳርያ ኣፈራሪሕካዮ ክትገዝኦ ከም ዘይትኽእልን ሎሚ’ውን ከም ትማሊ ብዓወት ዪጎስዕ ኣሎ። ጉዳይ ገበነኛ መንግስቲ ኤርትራ፣ ‘’ቀታል ህዝብታት’ዩ’’ ዝብል ኣብ ባይቶ ሕቡራት መንግስታት ክለዓል ክጅምር ከሎ ዉሑዳት ሰባት ኔይሮም። ከም ሓለምቲ ከኣ ዪቁጸሩ ኔይሮም። እዚ ናይ ትማሊ 23 ሰኔ 2016ዓም ሰላማዊ ሰልፍን ውሳኔ ባይቶ ሰብኣዊ መሰላት ሕቡራት መንግስታት ክትርእን ክተሰሞዕን ከሎኻ ግን ኣብ ህዝቢ ምስ ዝምክት ዝስዕሮ ከም ዘየሎ ምስክር’ዩ። ‘’መን ይእኽሎም’’ ዝብሉ ዝነበሩ ፈሺሎም። በዚ ኣጋጣሚ ንህዝብና ዝንዕቁን ዘትሕቱን ዝነበሩ ኣብ ልቦም ክምለሱ ተስፋ ንገብር። ህዝብና ንሓቂ ወላ እንተቀበርዋ ኣዉጺእዋ። እዚ ጥራይ ድማ ኣይኮነን ጌና ዝቅጽልን ዝመረረን ከውርደሎም’ዩ።

ክቡራትን ክቡራንን ደለይቲ ፍትሕን ተቓለስቲ ፍትሕን ህዝብታት ኤርትራ፣
ብቐዳምነት ዮሃን ነዚ ዓወት እዚ ክዉን ክኸውን ሰብ ክድቕስ ዘይደቀስኩም!! ዮሃና ናይ ትማልን ናይ ሎምን ሱዉኣትና እታ ቆጽሊ ኣዉልዕ ንስኹም ዝተኸልኩማ ትዕንብብ ኣላ!! ዮሃን ኣካለስንኩላትና ደኺምናን ተጸጊምናን ከይበልኩም ኣብ ኩሉ ሰላማዊ ሰልፊ ተመርሑና!! ዮሃን ገዲማን ተጋደልቲ ንእስነትኩም ዝሃብኩምና!! ዮሃን ሰነ-ጥበባውያን እስፖርታውያን ንሓቂ ዝመስከርኩም!! ዮሃና ሰብኣዊ መሰላት ኣብ ኤርትራ ክኸብር ብእግርን ብብርዕን ዝተጓዓዝኩም!! ዮሃና ፓልቶካትን ኩለን ናይ ዌባትን ፈይስ ቡካትን ሬድዮን ቲቭን መራኸቢ ብዙሓንን!! ዮሃና ፖሎቲካውያን ውድባትናን ሲቭካውያን ማሕበራትን ኩሉ ህዝብና ብውዱብን ብዉልቕን!! ዮሃና ኣብዚ መሪር ግዜ ምሳና ደው ዝበላ ሃገራትን ውድባትን ዉልቀ ሰባትን!! እዚ ዓወት’ዚ ግን ብዓቢኡ እኩብ ድምር ናይ ህዝብና ኣብ ዉሽጥን ኣብ ወጻእን ዝነብር ስለ ዝኾነ ዮሃና ህዝብታት ኤርትራ!!

ክቡራትን ክቡራንን ደለይቲ ፍትሕን ተቓለስቲ ፍትሕን ህዝብታት ኤርትራ፣
ዓመጽትን ሓሰውትን ክሳብ ኣብ መቓብሮም ዝኣትዉ ስርሖም ኣየቋሩጹን’ዮም። ብትግሬ ‘’ደብር ኣካኑ ኢሓድግ በዓል ኤመል ኤመሉ ኢሓድግ’’ ከም ዝብል ምስላ ኣቦታት እዚኦም’ውን ንሓሶት ከም ሮኬት ክሳብ ወርሒ ክትበጽሒ ክኮሓሕልዋ፣ ንጭቆና ከም ሞዶሻ ኮይና ሓምሓም ርእሲ ሰብ ክትሰብር ክዉልዉልዋ፣ ንህዝቢ ከናቁቱ ካብ መኻዝኖም ሐደስቲ ብልሓታት ከውጽኡ ለይትን መዓልትን ስራሖም ኣይክገድፉን’ዮም። ባህሪኦም ካብ ናይዲያብሎስ ንላዕሊ’ዩ። ኣይትገርሁ፣ ንዉላዶምን ንኣዲኦምን ዘይምሕር ልቢ’ዩ ዘለዎም። ግደፉ ንሓንቲ ብሄር ወይ እምነት ወይ ኣውራጃ ወይ ዉልቀ ሰብ ንመላእ ሃገር ንርብሓኦም ክሸጡ ዓይኖም ዘይዕምቱ’ዮም። ግብሮም ደው ዝብል ኣብ መቓብር ምስ ዝሰፈሩ’ዩ።

ኣሓትናን ኣሕዋትናን ገርህታትን ኣምሰሉታትን ተበለጽትን መዓልቲ ነጻነት መጽኤት ‘’ጽቡቕ ኣዋጅ’’ ክንሰሚዕ ኢና ትብሉን፣ ወገናን እምነትናን ዝዉክል መንግስቲ’ዩ ኢልኩም እትታለሉን፣ ሹመትን ገዛን ዙረት ሓጋይን ከይተርፈኩም ዓይንኹም ትዕምቱ እዝንኹም ትዓብሱን፣ ብኮበሮን ዳንኬራን ጃህራን ዝሰኸርኩምን ንሕልናኹም ክሳብ ክንደይ ዓመታት ክትክሕድዋ ኢኹም? መንግስቲ ብመርገምዶ ብኢድ ሰብ ሓላፋይ’ዩ። ንሕናን ንስኹምን ግን ተረፍቲ’ና። ኣድምጹና።

ክቡራትን ክቡራንን ደለይቲ ፍትሕን ተቓለስቲ ፍትሕን ህዝብታት ኤርትራ፣
ዝተረፈ ከም ዘሎና ንኣኹም ዝንገር ሕቡእ ምስጢር ኣይኮነን። ህዝብታት ኤርትራ ንሓርነቱ ክቓለስ ድሉው ሙዃኑ ኣብ ጅኔቫ 23.06.2016ዓም ሰላማዊ ሰልፊ ኣመስኪሩ’ዩ። እንተኾነ ውደባ ልዕሊ ውደባ፣ ውድብ ልዕሊ ውድብ፣ መራሒ ልዕሊ መራሒ፣ ርእይቶ ኣብ ልዕሊ ርእይቶ እናእምጻካ ንቀዳማይ እናፍረስካ ዳሕራይ ክትሃንጽ ምፍታን ካብ ደዉ ዝበልካዮ ሓንቲ ስድሪ እኳ ፍንትት ክንብላና ከም ዘይኽእል ተሞኩርናሉ ኣሎና። እዚ ሰላማዊ ሰልፊ ንኹላትናን ናይ ኩላትትናን ፍትሓውያን ጽላል መርሕዎ፣ እንተዝኸውን!! እናበልና ዊዕልና። ንሕና ፍትሓውያን እና በሃልቲ ንሃገርን ንህዝብታት ኤርትራ እቶም ካልኣይ ገጽ መንግስቲ ኤርትራ ወይ መተካእታ ሙዃና ዘርኢ ዝተእማምን ጽላል ክነቑዉም ኣይበቓዕናን። ካብ ዝጭቁኑ ዘለዉ ኣሕዋትና እንኮ ዝፈልየና እኮ ንሕና ፍትሓውያን ሙዃና’ዩ። ካልእ ፍልል የብልናን። እንተኾነ ኣነንትነትን ዕብለላልን ነብርኩን ባህሊ ሒዝና ፍትሓውያን ክንከዉንን ሓደ ሃገራዊ ጽላል ክንምስርት ዘይሕሰብ’ዩ። እዚ ሓርነታዊ ቃልሲ መበገሲኡን መዕረፊኡን ፍትሒ’ዩ። ፍትሒ ደልና ኢና ንቓለስ ዘሎና። ፍትሒ፣ ድማ ኣብ ሓድነትን፣ ኣብ መሰልን፣ ሕድገትን’ያ ትርከብ። እዚ ባህሊ እዚ ንኣና ጋሻ ኣይኮነን። ናይ ህዝብና ባህሊ ካብ ጥንቲ ካብ ትቕምቲ’ዩ። እዛ ሃገር ብሽርክነት ጥራይ ከም ትዋሓስ ኣሚና ደረትና ኣይንስገር። ሕድገት ዘይገብር ህዝቢ ሃገር ከቑሙዉም ኣይክእልና’ዩ። ሕድገት ንልመድ። ብሄራትን ውድባትን ምንቅስቓሳትን ሲቪካውያን ማሕበራትን ኮሚኒቲ (ዓዲ ወረዳ ኣውራጃ) እምነታት ኩሎም መቆምያታት ሃገር ኢዮም። ነዚኦም ብልፍንቲ ብመርፍእን ብፈትል ክነስምሮም ከም ቀድማይ ዕላማ ንበገሰሎም። ፋሺስቲ መንግስቲ ኤርትራ ‘’ናተይ ዪሰማዕ’’ ክብል ሃገርን ህዝብን ዪሸምም ኣሎ። ነዚ ባህሊ እዚ ካብ ሱሩ ካብ ማእከልና ንእለዮ። ዝኾነ ሰብ ወይ ኣኩብ ማሕበር ሓሳቡ ክገልጽ ከሎ ዶብ ክንገብረሉ ኣይንፈትን። ምኽንያቱ ኩልና ሓደ መሰል’ዩ ዘሎና። ሓደ ንሓደ እዚ ተዛረብ እዚ ኣይትዛረብ ኢሉ ዝወስነሉ መሰል የብሉን። ምኽንያቱ ብባይቶ ሃገርን ህዝብን ዝቆመ ቁዋም የብልናን። ኣብ’ዚ ጉዕዞ ሓርነት ፍልልያት ርኣይቶን ኣቛቁማን ክህልወና ናይ ግድን’ዩ። ነዚ ንፍልልያትና ከም ጸጋ እንተወሲድናዮም ከማዕብሉናን ከዕዉቱናን’ዮም። ከም ጸገም እንተወስዲንዮም ‘’ብትም በል/ሊ’’ እንተመኪትናዮ ከኣ ንጥፍኣትና ክኾኑ ዪኽእሉ’ዮም። ዲውድብብኤ ብዘይቅድመ ኲነት ነቲ ናይ መጠረሽታ ሽቶና ክነዕዉት ሕድገትን ተጻዋርነትን ፍትሕን ተወፋይነትን ክስስን ክሰርሕ’ዩ። ናይ ኩልና ዕላማ ከኣ ንሱ ክኸውን ንጹዉዕ።

ዲሞክራስያዊ ውድብ ብሄረ ኤርትራ/ሆደ ንመጻኢ ወስታ ቅሩብነቱ እናገለጸ ብዝተዓትረ ዓወት ንኹሉ ህዝብና ኣብ ዉሽጥን ዲያስፖራን ንዘሎ ዮሃና እናበለ ንድገፍትና ሕብረት ኣፍሪቓን ኣባላት ኢጋድን ንባይቶ ሕቡራት መንግስታት ሰብኣዊ መሰልን ንኹሎም ኮሚቴታቶምን ብስም ህዝብና ይምጉስን ንቐጻሊ ፍትሓዊት ኤርትራ ክሳብ ትረጋገጽ ኣብ ጎንና ደዉ ክብሉ ዪጹዉዕን።

ግዜጣዊ መግለጺ ዲሞክራስያዊ ውድብ ብሄረ ኤርትራ/ሆደ
ውድቐት ንፋሺስታዊ ጉጅሌ ኢስያስ!!!

ዓመጸኛታት ኢሳያስን ጉጅሌኡን ኣብ ፍትሒ ይቅረቡ!!!
ዝኽርና ንስዉኣት ብፍትሒ ምንጋስ ይኹን!!!

ውሳኔ ባይቶ ሰብኣዊ መሰላት ውድብ ሕቡራት-ሃገራት ኣብ ልዕሊ ማፍያ ህግደፍ

ኩቡራት ኣንበብቲ መደብ ንሰላም፡ ብሕጽር ዝበለ ኣገባብ መረዳእታ ህዝብና ክርደኦን ክፈልጦም ኣለዎ ኢልና ዝሓሰብናዮ ካብቲ ነዊሕ ጹማቛት ጽሑፋት ሓጺር መረዳእታ ንኸይስልችወኩም መታት ብሕጽር ዝበለ ጽሑፍ ነቕርበልኩም።

እቲ ብባይቶ ሰብኣዊ መሰላት ናይ ውድብ ሕቡራት ሃገራት ኣብ ልዕሊ ማፍያ ህግደፍ ዝተወሰደ ውሳኔ ናብ ኩለን ውድብ ሕቡራት ሃገራት ዘጣቓለለ ማሕበራት እቲ ውሳኔ ተዋሂቡሎ። ናይዞም ውድብ ሕቡራት ሃገራት ዓቢ ታራ ዘለዎም ማሕበራውያን ማለት እቶም ሹዱሽተ ( Organization – ኦርጋኒዛሹን ) ኣካላት ናይ ውድብ ሕቡራት ሃገራት መሓውር እዮም። ንሳቶም ከኣ በዞም ሹድሽተ ኣካላት ሓቢሮም ጉባኤ ውድብ ሕቡራት ሃገራት ዝባሃሉ ኢዮም።

ንምፍላጦም መኖም ምዃኖም ኣዚዮም ኣገደስቲ ስለ ዝኾኑ ንኣፍልጦ ሓፈሻዊ መረዳእታ ንኽህልወና ሓጋዚ ስለ ዝኾነና ንሳቶም እዞም ዝስዕቡ ኢዮም፡-

1. ናይ ውድብ ሕቡራት ሃገራት ሓፈሻዊ ጉባኤ ጀነራል ኣሰምፕሊ ( General Assembly )
2. ዓለማዊ ናይ ሕጊ ቤት-ፍርዲ ኢንተርናሽናል ኮውርት ጃስቲስ ( International Court Justice )
3. ቤት ምኽሪ ባይቶ ጸትታ ሰኩሪቲ ካውንስል ( The Security Counsil )
4. ቤት-ምኽሪ ኤኮኖሚያዊ ማሕበራዊ ጉዳያትን፡ ኤኮኖሚ ሶሺያል ካውንስልን ( Economic Social Council )
5. ቤት-ምኽሪ ባዓል ሓደራ ተወኪሉ ዝሰርሕን ዘተግብርን ትራንስፈር ሽፕ ካውንስል ( Transfer Chip Council )
6. ቤት-ምኽሪ መዛግብን፡ ጽሕፈትን፡ ሰግረታሪያትን እዮም።

በዞም ኣብያተ ምኽርታት እዚኣቶም ተማሓላሊፉ ዝስራሕ መስርሕ ነንዝምልከቶም ጉዳዮም ኢሪኡን ኢውስኑን ኢሰርሑን። በብጉዳዮም ንናብናይ ገበናት ብዝተፋላለየ ሰብኣውነት መሰላት ኣብ ዝጋሃስሉ እዋን ናብዚኣቶም ኢዩ ዝማሓላለፍ። በዚ መሰረት በቲ ልሙን ኣሳራርሓን ተሞክሮን ናይ ባይቶ ሰብኣዊ መሰላት መስርሕ ኢካየድ።

ብቀትታ ናብ ባይቶ ጸትታ ኢኹን ናብ ኤኮኖሚያዊ ማሕበራዊ ጉዳያትን ካልኦትን ኣካላት ዝሓልፍ መስርሕ የለን። ኩሉ በብመስርሑን ብሕግን ብስነስርዓትን ዝኾነ ኣጋባብ ኢዩ ዝኸይድ።

ብዛዕባ እቲ ገበናት ኣንጻር ሰብኣውነት ምግሃስ መሰላት ኣብ ኤርትራ ከም ዝተፈጸመ ኣብ ጉዳይ ማፍያ ህግደፍ መስርሕ እንተወሲድና ካብዞም ኣብ ላዕሊ ተጠቒሶም ዘለዉ ሹዱሽተ ኣካላት ማኽበራውያን ውድብ ሕቡራት ሃገራት ካብዚኣቶም እቲ ናይ ቤት ምኽሪ ባይቶ ጸትታ ወይ ሰኩሪቲ ካውንስል ( The Security Counsil ) ኢዩ። ስለዚ ናይ ማፍያ ህግደፍ ገበን ምስ ጸትታ ዝታሓሓዝ ስለ ዝኾነ።

እቲ ኣብ ጀነቫ ዝሓለፈ ሪዞሎሹን ( Resolution ) ማለት ቢይን ወይ ውሳኔ ናይ ማፍያ ህግደፍ ክሲ ኣብ ዝመጽእ ዘሎ ወርሒ መስከረም ኣብቲ ኣብ ኒዩዎርክ ዝጋባእ ሓፈሻዊ ጉባኤ ናብ ጀነራል ኣሰምፕሊ ኢዩ ክቐርብ። ሓፈሻዊ ጉባኤ ናብተን ሹዱሽቲኤን ማኽበራውያን ውድብ ሕቡራት ሃገራት ክዝርጎሖ ኢዩ።

ኣብዚ ክርዳኣና ዘለዎ ሓደ ነገር ኣሎ ብሩህ ኮይኑ ከነስተውዕለሉ ይግባእ። ጉዳይ ማፍያ ህግፍደፍ ብሓድሽ መስርሕ ወይውን ሓድሽ ፋይላት ዝኽፈት ጉባኤ የለን፡ ኣብ ነፍሲ ወከፍ ኤርትራዊ ነዚ ጉዳይ እዚ ክርደኦ ኣለዎ።

እቲ ንመራሕቲ ህግደፍን ገበናቶምን ሳዕቤናቶምን ዝምልከት ኣብ መበል ሳላሳን ክልተን ኣኼባ ናይ ሰብኣዊ መሰላት ውድብ ሕቡራት ሃገራት ኣብ ዝሓለፈ ኣብ ጀነቫ ብኹለን ኣባላት ሃገራትን ብመርማሪት ኮምሽነርን ዝተወሰነን ዝጸደቀን ዝሓለፈን ጉዳይ ስለ ዝኾነ፡ እቲ ጉባኤ ኣብ ኒዩዎርክ ዝጋባእ፡ ነታ ጉዳይ ወይ ነታ ፋይል ብቐትታ ናብ ቤት ምኽሪ ባይቶ ጸትታ ሰኩሪቲ ካውንስል ኢዩ ነታ ጉዳይ ንኽመርሓ ዘማሓላልፋ።

ቤት ምኽሪ ባይቶ ጸትታ ሰኩሪቲ ካውንስል ነቲ ብኣባላት ባይቶ ውድብ ሕቡራት ሃገራትን ብመርማሪት ኮምሽንን ኣብ ጀነቫ ዝሓለፈ ጉዳይ ጸዲቑ ዝመጾ ውሳኔ በቲ ልሙድ ኣሳራርሑን ተግባርነቱን ከከምዘለዎ ኢዩ ዝቕብበሎን ዘጽድቖን ንትግባረ ዝመርሖን። ኣብዚ መስርሕ እዚ ንዝተፈላለያ ሃገራት ብኣብነት እንተወሲድና ናይ ሲድ-ኮሪያ ክረኤ ኢካኣል’ዩ ብኾምኡ ከኣ’ዩ እቲ መስርሕ ዝሳላሰል።

ብተወሳኺ ሓደ ካብቲ ኣብ ጀነቫ ዝሓለፈ ሪዞሎሹን Resolution ማለት ቢይን ወይ ውሳኔ ኣብ ጉዳይ ውሳነ ባይቶ ሰብኣዊ መሰላት ንቤት ፍርዲ ኣፍሪቃዊ ሕብረት ናይ ውድብ ሓድነት ኣፍሪቃ ገበናዊ ቤት-ፍርዲ ( African Union Court of Justice ) ከምኡውን ናይ ሮም ውዕል ( Rome Statute ) የሕሊፉ ኣሎ። ሃገራት ኣፍሪቃ እተን መብዛሕትኤን ዝኸተማሉ ውዕልን ዝተሰማማዓሉ ዓለም ለኻዊ ኣባል ኣፍሪቃዊ ማሕበራት ናይ ኣባልነት ኣወዳድባ ዘለወን ኢየን። 

ሓደ ካብኡ፡-

• ኣብ ሕጋዊ ቤት-ፍርዲ ናይ ውድብ ሓድነት ኣፍሪቃን Africa Union court of Justice 
• ብሮም ውዕል Rome Statute ዝፍለጥ ንሰብኣዊ መሰላት ዘኽብር ሕግን ቤት-ፍርድን ( International Criminal Court ICC ) ኢንተርናሽናል ክሪሚናል ኮውርት ኣይሲሲ ዘጠቓለለ ኢዩ።

ማፍያ ህግደፍ ኣብዚ ኣባልነት ናይዚ ማሕበር እዚ ከምዘይ ፈረሙን ኣባል ከምዘኮነን ተፈሊጡሎ።

ባይቶ ውድብ ሕቡራት ሃገራት ኣብ ኣፍሪቃ ዝግበሩ ግህሰት ሰብኣዊ መሰላት በዚ ትካል ኣቢሉ ኢዩ ንኽካታተልን ንኽሰርሕን ዝውስንን። ውዕል ሮም ( Rome Statute ) ብኢንተርናሽናል ክሪሚናል ኮውርት ኣይሲሲ( International Criminal Court ICC ) ዝፍለጥ ብዛዕባ መሰል ሰብኣውነት ዝምልከቱ ጥርዓናትን፡ ዝሰምዕ፡ ዝጣበቕ፡ ዝሕግግን፡ ንዳንነት ዝመርሕን፡ ኣባልነት ዝኸተማሉ ሃገራት ኣፍሪቃ ስምምዕን፡ ኣባታት ዘለዎ ሃገራት ዓለም ዝተሰማማዓሉን ኢዩ። እዚ ኸኣ ኣብ ወርሒ መስከረም 2002 ዓ.ም. ሕጋውነቱ ነዲፉን ኣጽዲቑን ዝሰርሕን ዝቖመ ትካል ኢዩ።

ማፍያ ህግደፍ ኣባልነት ስለዘይብሉ ስለዝኾነ እዩ ብቐትታ ብባይቶ ጸትታ ውድብ ሕቡራት ሃገራት ኣቢሉ ናብ ኣህጉራዊ ገበናት ቤት-ፍርዲ ኢንተርናሽናል ክሪሚናል ኮውርት ኣይሲሲ ገበናቶም ክማሓላለፍ ዝተገደደ።

ቤት ምኽሪ ባይቶ ጸትታ ሰኩሪቲ ካውንስል ኣብቲ ወርሒ መስከረም ኣብ ኒዩዎርክ ዝጋባእ ጉባኤ ነቲ ናይ ማፍያ ህግደፍ ጉዳይ ኣጽዲቑ ናብቲ ናይ ኣፍሪቃዊ ሕብረት ቤት-ፍርዲ ክመርሖን፡ ቤት-ፍርዲ ኣፍሪቃዊ ሕብረት ከኣ ብዑቱብ ክታሓዞን ማዓልኡ ከብጾሖን ምክትታል ዘይፍለዮ ናይ ባይቶ ጸትታ ውድብ ሕቡራት ሃገራት ዘለዎ ኢዩ።

ኣብዚ ክፍለጥ ዘለዎ ጉዳይ ብመሰረት እቲ መርማሪት ኮሚሽነርን፡ ባይቶ ሰብኣዊ መሰላትን ዘሕለፍዎ ውሳነ ኣብናይ ኒዮዎርክ ጉባኤ በታ መርማሪት ኮሚሽነርን ናይ ባይቶ ሰብኣዊ መሰላት እቲ ናይ ክልተ ዓመት ስርሓ ዓጺያ ወዲኣያ። ንልዕሊ ክልተ ዓመት ማንደት ወይ ትሰርሖ ሓላፍነት የብላን።

እቲ ምግሃስ ሰብኣዊ መሰላት ብመራሕቲ ህግደፍ ዝኸይድ ዘሎ ክሳብ ዘየቋረጸ፡ ክሳብ መወዳእታ እግሪ እግሮም እንዳኸደት እትከታተሎም ሓንቲ ማሕበር ኣላ። እታ ስፐሽያል ራፖርተስ (Special Reports ) ናይ ባይቶ ሰብኣዊ መሰላት ኢያ። እዛ ስፐሽያል ራፖርተስ እዚኣ ውሱን ግዜን ዕለንት ዓመትን ገደብ የብላን። እቲ ግህሰት ክሳብ ዘሎ እዛ ስፐሽያል ራፖርተስ ንፉልይ ማፍያ ህግደፍ ጉዳይ ክትከታተል ክትህሉ ኢያ። ምክትታልን ዘሕለፈቶ ጸብጻባትን ናብ ሰኩሪቲ ካውንስል ( The Security Counsil ) ኢያ ከተማሓላልፎ።

ዕድመ፡ ንሰፊሕ ህዝባዊ፡ ዘተ፡ ንዕለት 8,9,10 ሓምለ 2016  ኣብ ጀርመን፡

ከም ኤርትራውያን መጠን፡ ህዝብናን ሃገርናን፡ ኣብ ኣዝዩ ጽንኩርን፡ ተሪርን እዋን፡ ከም እንርከብ፡ ንኩልና ብሩህ ጥራሕ ዘይኮነ፡ኣዝዩ ኣሻቓሊ ውን’ዩ ። ኩነታትና ካባና ሓሊፉ፡ ንዓለም ውን ኣታሓሳሳቢ ኮይኑ’ሎ። ሃገርና ምስላ ተደዊኑ ባዲማ፡ ህዝብና ውላዱ ስኢኑ ዘኽቲሙ፡ መንእሰያትና ተስፋ ቆሪጾም፡ እግሮም ናብ ዝመርሖም ተበታቲኖም፡ ኣብ ድያስፖራ እንነብር፡ ደለይቲ ፍትሒን ለውጥን ውን፡ ሓቢርና ዓቕምታትና ኣወሃሂድና፡ክንምክት ስለ ዘይበቓዕና፡ ኣብ ሓድሕዳዊ ግርጭት ተሸሚምና፡ ህዝብን ሃገርን ከነድሕንስ ይትረፍ፡ ንነብስና ውን ክንከላኸል ኣብ ዘይንኽእለሉ ደረጃ ወሪድና ምህላውና ኩሉ ዝምስክሮ ሓቂ’ዩ።

ነዚ መሰረት ብምግባር እምብኣር፡ ካብ’ዚ ዓዘቕቲ’ዚ እንወጸሉ፡ ፍታሕ ንምንዳይ፡ ኩልና (ህዝቢ፥ ፖለቲካዊ ውድባትን ሰልፍታትን ፥ ሲቪክ ማሕበራት)፡ ተራኺብና ኢሂን ምሂን እንብሃለሉ፡ ናይ ሳልስቲ ዓውደ-ዘተ፡ ንዕለት 8,9,10 ሓምለ 2016 (8, 9 ,10July 2016 ) ኣብ ጀርመን፡ Kirchstrasse 120, 67691 Hochspeyer (Keiserslautern)፡ ኣዳሊና ስለ ዘሎና፡ ብተገዳስነት ክትሳተፍዎ፡ ብክብሪ ንዕድም።

ኣዳላዊት ሽማገለ

لا شك اننا كارتريين على علم بما هو عليه شعبنا من معاناة وما يمر به من اوقات عصيبة، وكلنا مشغول بهذا الوضع. لقد اصبح العالم ايضا مهتم بقضية شعبنا وما آلت اليه الاوضاع في بلادنا. البلاد في تدهور مستمر والشعب فقد فلزات اكباده، وشبابنا لم يعد له امل البقاء في البلاد فاصبح يهاجر الى كل اتجاهات العالم، وبسبب ضعفنا نحن طلاب العدالة وعدم قدرتنا على تسيق جهودنا، وبقاءنا في وحل الخلافات البينية، لم نعد نستطيع انقاذ شعبنا ووطننا، ولا حتى الدفاع عن انفسنا. هذا هو واقعنا الذي لا نستطيع انكاره. بناءا على هذا ندعو جميع التنظيمات السياسية ومنظمات المجتمع المدني للمشاركة في ندوة للحوار والبحث لايجاد حلول ومخارج من هذا الوحل.

سوف تعقد الندوة تحت شعار: ”ارتريا هي ملك لشعبها، وتطور شعبها هو الضمانة لها، التآخي و المحبة بين ابناء الشعب هو متنفسها”.

التاريخ: من 8 الى 10 يوليو – 2016

المكان: مدينة كايسرسلاوتم (Keiserslautern) – ألمانيا

يرجى من الجميع ابلاغ اللجنة المنسقة للندوة بمشاركتكم واراءكم حول بنود الحوار المطروحة، ونشكر لكم مقدما حسن تعاونكم في ذلك ودعمكم.

لمزيد من المعلومات بامكانكم التواصل مع اعضاء اللجنة التنسيقية الواردة امساءهم ادناه:

الايميل: [email protected]

لارسال دعمكم المادي:

ህዝባዊ ዘተን ፈስቲቫልን 2016 ፍራንክፈርት ጀርመን

ሓቀኛ ዋና ኤርትራ ህዝባ’ዩ፡
ስልጣኔኡ ዋሕሳ ፍቕሪ ሓድሕዱ ከኣ ትንፋሳ ኢዩ!

ነጥብታት ዕላማ
እዞም ነጥብታት እዚኦም ካብ ሰነዳት እቲ ኣቐዲሙ ዝተጠቕሰ ናይ 2014 ሓሳባት ህዝቢ ዘጠቓለሉ ኢዮም። ብቓላት ይኹን ብመላእ ነጥቢ ክውሰኹን ክእረሙን ክምልኡን ክጎድሉን ይኽእሉ።

– ህዝቢ ኤርትራ ህዝባዊ መሰሉ ተጠቒሙ ብዛዕባ እዋናውያን ጉዳያቱ ክዛተን ኣፈናዊ ቅዲ መጻኢኡ ክትልምን
– ነቲ ኣብ ፈተነ ዝርከብ ናይ ምንብባር፡ ምጽውዋርን ሓድሕድ ምትሕልላይን መንፈስ ንኸሐድስ
– ህዝቢ ተራኡ ኣብ ፍታሕ ኩለንትናዊ ህሉውን መጻእን ብድሆታትን ዓመጻትን ከነጽር
– ህዝቢ ናይ መራሕን ተመራሕነቱን ሰንጠረጅ ክሕንጽጽ፡ ትጽቢቱን ደረቱን ኣብ ፖለቲካውያን ሓይልታት ኤርትራ
ከነጽር
– መሰረት ውህደትን ምትእኽኻብን ናይ ንጡፋትን ልኡማትን ደለይቲ ሰናይን ፍትሕን ሃገርና ንምንጻፍ
– ንባህላውን ስነ-ጥበባውን፡ ዕብየትን ፍርያትን ንምትብባዕን ንምውህሃድን

መስርሕ ጉባኤን ትጽቢታቱን፡
እዚ ጉባኤ ብወከልቲ እታ ሽማግለ ጉባኤ ብመሰረት ኣቐዲሞም ዝተጸጸዩን ዝተሃንጹን ዛዕባታት-ዘተ ይኸይድ። ናይ ኩሉ ስነ-ስርዓትን መደባትን ላዕለዋይ ተሰማዕነት ክህልዋ ዘለዋ ከኣ እታ ኣወሃሃዲት ሽማግለ’ያ። ውጽኢት ናይቲ ጉባኤ ጸሚቛ ከኣ ናብ ህዝብን ተሳተፍትን ተቕርብ። ኣብዚ ጉባኤ’ዚ ዝዀነ ይኹን ፖለቲካዊ ውሳነ ክውስን ኣይግብኦን። ጠለብን ድሌትን ስክፍታን ምሕጽንታን ደረጃ ድሌት ተሳተፍነትን ህዝቢ ዝረጋገጸሉን ተጸሚቝ ዝፈርየሉን ጥራይ’ዩ። ተጋባእቲ ኣገዳስነት ካልእ ህዝባዊ ኣኼባ እንተተራእዩ ተመሳሳሊት ሽማግለ ብምሕጻይ ከተሰናድእ ክሓቱ ይኽእሉ። ውጽኢት ናይ’ዚ ምግባእ ህዝባዊ’ምበር ፖለቲካዊ ጥርናፈ ወይ ውጽኢት ዘይምዃኑ ብንጹር ክንገር ኣለዎ። እንተዀነ ፖለቲካውያንን ናይ ስነ-ሓሳባት ኣካላትን ጽልውኦም ኣብቶም ተሳተፍቲ ከንብሩሉ ዝኽእሉ ገጽ ንገጽ ክራኸብሉ ዝኽእል መድረኽ ይኸውን። እዚ ማለት ግን ተጋባእቲ ብድሕሪ’ዚ ምዝዛም እዚ ጉባኤ ናይ ሓባር ጠርናፊ ፖለቲካዊ ሓይሊ ወይ ትካላት ከይፈጥሩ ዝኽልክል ዘይኮነስ ከተተባብዕ’ውን እንተዝኽእል ጸገም የብሉን።

እዚ ህዝባዊ ዘተ እዚ ብጻውዒትን ምሕጽንታን ምዕጋብን ለበዋን ህዝባዊ ፍረ ዘለዎም ውሳኔታትን ክወጽእ’ዩ’ቲ ትጽቢት።

ኣፈናዊ ሰንጠረጅ ዕለታዊ መደባት
08/07/16
– መኽፈቲ ጉባኤ ብኣ.ሽ.
– ቃል መራሕቲ ሃይማኖታት
– ስነጥበባዊ ፍርያት (ሙዚቃዊ ድራማታት)
– ናይ30 ደቓይቕ ሰሚናራት

09/07/16 – መቐጸልታ ሰሚናራት
– ጉጅለኣዊ ዘተታት
– ስነጥበባዊ ፍርያት (ሙዚቃዊ ድራማታት)

10/07/16 – መቐጸልታ ጉጅለኣዊ ዘተታት
– ጸብጻብ ውጽኢት መራሕቲ ዘተታት
– መዛዘሚ ስነ-ስርዓት
– ናይ ምዝንጋዕ መደብ

ህዝባዊ ዘተን ፈስቲቫልን 2016 ፍራንክፈርት ጀርመን

እዛ ኣ.ሽ. ኣገልጉሎታ ነዚ ፊልማዊ ናይ ህዝቢ ዘተ ንምድላውን ምውህሃድን ዕዉት ኮይኑ ክሳብ ዝወጽእን ኰይኑ ዕድሚኣ ክሳብ ሓደ ሰሙን ብድሕሪ ወግዓዊ ምዝዛም እቲ ህዝባዊ ዘተ ክኸይድ ይኽእል። ምፍጻም ዕዮኣ ብኣዋጅን ንተሳተፍትን መላእ ህዝብን ጸብጻብ ብምቕራብን ከኣ የኸትም።

ዛዕባታት ዘተን ሰሚናራትን
ህዝቢ ኤርትራ ክዛተየሎም ዝግብኦ ኣርእስታት እልቢ የብሎምን። ኣብ ሓደ ናይ ዘተ ኣጋጣሚ ጥራይ ክድህሰሱ ዝኽእሉ’ውን ኣይኮኑን። ከም መጠን ናይ መጀመርያ ተመኩሮ ምዃኑን ብሰንኪ ሕጽረት መዓልታትን ግን ንውሑዳት ኣርእስታት ከነቐድም ተገዲድና ኣለና። እዞም ዝስዕቡ ዛዕባታት ዘተ እምበኣር ህዝቢ ብሓፈሻ ብምርዳእን ብባህሪኦም ጭቡጥን ጸላውን ውጽኢት ሒዞም ናይ ምውጻእ ባህሪ ስለዘለዎም ዝተመርጹ ኢዮም። ንኡሳን ነጥብታት ነፍሲወከፍ ዛዕባ ዘተ ከኣ በቶም መራሕቲ እቶም ዘተን ኣ.ሽ. ክዝርዘር ኢዩ።

ኣ.ሽ. ነቲ ዛዕባታት ዘተ ኣብ ኣርባዕተ ክፍሊ ከፊላቶ ኣላ። እቶም ዛዕባታት ምስቶም ኣርባዕተ ሰሚናራት ዝተተሓሓዙ ኢዮም።

እዚ ዝስዕብ ሰደቓ ንኣርእስታት ሰሚናርን ዘተን ዘርኢ ኢዩ።

ኣርእስታት ሰሚናር ዛዕባታት ዘተ
ኣፈታትሓ ሽግራትን ዕርቅን ምንብባርን ምጽውውርን ሕጅን መጻእን
ማሕበራዊ፡ ቁጠባዊ ፖለቲካዊ መዳያት ሃገርና ጸላዊ ዘመተ
ሕሉፍን እዋናውን ኩነታት ፖለቲካውያን ሓይልታትን ህዝብን
ደቀ-ንስትዮን ስደተኛታትን ስደትን ሓድሕድ ምትእልላይን

ዛዕባታት ዘተን ንኡሳን ነጥብታቶምን
እዞም ዝስዕቡ ኣርባዕተ ዛዕባታትን ንኡሳን ነጥብታቶምን ከኣ ንኣብ መላእ ዓለም ዘሎ ህዝቢ ኤርትራ ንክዝትዩሉ ክለኣኸሎም’ዩ።

– ምንብባርን ምጽውውርን ኣብ ሕጅን መጻእን፡ ኤርትራውያን ከም ህዝቢ ካብ ዝተፈላለዩ ዓሌታት ዝፈለስና፡ ዝተፈላለዩ እምነታት እንኣምንን ዝተፈላለዩ ቋንቋታት እንዛረብን ዝተፈላለየ ጂኦግራፊካዊ ኣቀማምጣ ዝሰፈርናን ኢና። ኣብ ክዉንነት ፖለቲካውያን ሓይልታትን መንግስታትን ከየድትን መጻእትን ተትካእትን ኢዮም፡ እቲ ጸናሒ እቲ ህዝቢ ኢዩ። ስለዚ ከኣ ናይ ሓደ ህዝቢ ናይ ምንብባርን ምጽውዋርን ኣገዳስነት ዘየተሓትት’ዩ። ታሪኻዊ ኣመጻጽኣ ናይዞም ዝተጠቕሱ ፍልልያትን ዘጎሃህርዎ ባእታታትን ብዙሓት ክዀኑ እናኸኣሉ፡ ኣብ ቀጻሊ ብሓደ ክንነብርን ሕግና ንኩሉ ብሄር፡ ኣውራጃ፡ ዓሌትን እምነትን ብመሰልን ማዕርነትን ዝሕሉ ጌርካ ምስርሑን ከኣ እቲ ተራ ናይ ህዝቢ ባዕሉ’ዩ። ካልኦት ሓይልታት ተወሰኽቲ ተራ ጥራይ ኢዮም ክጻወቱ ዝኽእሉ። ስለዚ ኣብዚ ጉባኤ እዚ ተጋባእቲ ነታ ዘላን እትመጽእን ኤርትራ ከም ህዝቢ ከመይ ጌርና ንነባበርን ንኩሎም ተመዝመዝቲ ነቓዓት ፍልልያትን ከመይ ጌርና ንመልኦምን ንልሕሞምን እንዛተየሉን እንሕጽጸሉን’ዩ።
o እምነት
o ብሄር
o ኣውራጃ ወይ ጂኦግራፍያዊ ኣቀማምጣ
o ፖለቲካዊ

ህዝባዊ ዘተን ፈስቲቫልን 2016 ፍራንክፈርት ጀርመን
ስነሓሳባውን

ቐጥታዊ ደገፍ ንዓመጽ
– ስደትን ሓድሕድ ምትእልላይን፡ ስደት ዝዓበየን መጠን ግዝፉ ኣሻቓልን ጉዳይ ህዝቢ ኤርትራ ካብ ዝኸውን ልዕሊ ፍርቂ ዘመን ኮይኑ ኣሎ። ኣብዚ ዘለናዮ ግዜ ከኣ ገኒኑን ብዕጽፈ-ዕጽፊ ሓደገኛ ኮይኑ ንረኽቦ። ኣብ ታሪኽ ስደትና እቲ ቀዲሙ ዝተሰደ ነቲ ድሒሩ ዝሰዓበ ብዘይ ኣፈላላይ ናይ ምርዳእ ውሁብ ሓላፍነት ወሲዱ ክተሓባበር ጸኒሑ’ዩ። እንተኾነ ግን ኣብዚ ሕጂ ረድኤት ዘድለየሉ ግዜ እቲ ዝድለ ሓልዮትን ምብጃውን ዝሒሉ ንርእዮ።

ምኽንያቱ ብዘየገድስ። ዝዀነ ፍትሕን ተራድኦን ካብ ዓለም ለኻውያን ናይ ተራድኦ ማሕበራትን ሃገራትን ክንደልዮ ንርከብ ኣለና። ከም ህዝቢ ንህዝብና ክንገብሮ ዝግብኣና ደገፍ ግን ዝጎሰናዮም ወይ ወለል ዝበለና ይመስል። ስለዚ እዚ ጉባኤ’ዚ ከም ህዝቢ ናይ ካልእ ደገፍ ይረኸብ ኣይረኸብ ንገዛእ ባዕልና ንተሓጋገዘሉን ንረዳድኣሉን ፍታሓት ነናድየሉን ኢዩ።

o ጥዕናን ስነ-ኣእምሮኣዊ ቆላሕታን
o ትምህርትን ዓቕሚ ምምዕባልን
o ንቕሓትን ኣበርክቶን
o ምወላን ምፍጣርን ሃገራዊ ትካል

– ጸላዊ ዘመተ፡ እዚ ኣርእስቲ’ዚ ነቲ ኣብ ፖለቲካዊ መድረኽ ኤርትራ ላዕለዋይ ኢድ ሒዙ ዘሎ ኢፍትሓውን ኢሰብኣውን ስርዓትን ሰልፍን ብዲፕሎማሲ ከኣ ካብ ዝዀነ ይኹን ኤርትራዊ ጥርናፈ (ሳላ ጂኦ-ፖለቲካዊ መልክዕ ከባቢና ምቕያሩ) ሰዲሩ ዝርከብ ዘሎ በየናይ መንገዲ ክንብድሆን ጉዳይና ዓለምለኻዊ ኣቓልቦ ንኽረክብ ዝተወሃሃደ ህዝባዊ ጻዕርታት ክንገብር ንኽእልን ዝዝተየሉ ኢዩ። ክሳብ ሕጂ ዝጸንሑ ስራሓት ክንዲቲ ዝድለ ውሁዳት ኣይንበሩ’ኳ ኣወንታዊ ፍርያት ኣፍርዮም ኢዮም። እንተዀነ መንግስታት ዝምድናታቶም ዝድልድል ወይ ዝድስክል ምስ ህዝቢ ዘይኮነስ ምስ ህሉዋት መንግስታት/ስርዓታት ስለዝዀነ፡ ኣብዚ ዘተ እዚ ህዝቢ ንዓለም ድምጺ ከሰመዓሉ ዘኽእሎ ሜላታት ዓቕምታትን ክምህዝ ትጽቢት ይግበረሉ።

o ጎረባብቲ ሃገራትን ሕብረት ኣፍሪቃን
o ጸለውቲ ሃገራትን ዓለማውያን ውድባትን
o ሜላታት ዘመተ
o ምወላን ምፍጣርን ሃገራዊ ናይ ዘመተ ትካል

– ፖለቲካውያን ሓይልታትን ህዝብን፡ ተራ፡ ደረትን ዝምድናታት ህዝብን ፖለቲካውያን ሓይልታትናን ብዙሕ ንጹር ከይኮነ’ዩ ክኸይድ ጸኒሑ። እዚ ከኣ ሓደ ካብቲ ህዝቢ ኤርትራ ኣብዚ ዘለዎ ኩነታት ንኽበጽሕ ዝገበሮ ጥራይ ከይከኣል ካብዚ ወሪድዎ ዘሎ መዓት ንኸይገላገል ዓቢ ገደብ ኮይንዎ ክርከብ ጸኒሑ’ሎ። እቲ ሓቂ ወይ ልክዕ ዝለዓለ ስልጣን ኣብ ሓንቲ ሃገር፡ ናይ ህዝቢ’ምበር ናይ ፖለቲካውያን ሓይልታት ክኸውን ኣይግብኦን። ብንጹር ፖለቲካውያን ሓይልታት ንሓደ ህዝቢ ንኽከላኸሉ፡ ሰላምን ጸጥታን ክሕልዉ፡ ጸጋታት ንኸመቓርሑን ማዕርነትን ፍትሕን ንኸረጋግጹ፤ ብመሰረት ድሌታትን ኣቃውማ ህዝብን ብምሕላው ፖለቲካዊ ሞያኦም ብምልላይ መንግስታዊ ጽፍሒ ንኽሕዙ ንህዝቢ ዝሓቱ’ሞ፡ ብመሰረት ፍታዉ ከኣ ህዝቢ ቆጽሉ ዘውድቐሎም’ዮም።

ሓደ መንግስቲ ንህዝቢ’ዩ ተሓታትነቱ እንተኢልና ፖለቲካውያን ሓይልታት ከኣ ካብ’ቲ ዓንኬል ኣይወጻን ኢየን።

እንተወሓደ ካብቲ ህዝቢ ዘውድቐለን ኣቃውማ’ኳ ክወጻ ኣይግብአንን። ስለዚ እዚ ዘተ እምበኣር ህዝቢ ኣብ ህዝባዊ ዘተን ፈስቲቫልን 2016 ፍራንክፈርት ጀርመን ልዕሊኡ ቆይሞም ንዝወጹን ንኽወጹ ዝመጣጠሩን ንድምጹ ክሰምዑን ናይ ህዝቢ ተራኡ ንከኽብሩሉን ኒሻኑ ዘምልሰሉን ኢዩ።

o ልዑልነት ህዝቢ ኣብ ሃገርን ሕግን
o ልዑላውነትን ፖለቲካውያን ሓይልታትን
o ግሉጽነትን ተሓታትነትን ፖለቲካውያን ሓይልታት
o ህዝብን ጸጊዕነት ምስ ፍትሓውያን ፖለቲካውያን ትካላት

Paypal ni Hizbawiezete tecle.ghebregergis@t- online.de Teclemariam Ghebregergis IBAN DE63500105175414573205 BIC INGDDEFFXXX ni Hizbawizete

ዲጂታላዊ ምዕቃብ፡ ይሕያ ወደቦይ ኪያር 
ብሃይለ መንገሻ ዑቕበ፡ ቶሮንቶ፡ካናዳ

ፕሮጀክት ምዕቃብን ምትሕድዳስን ስነ ጥበባዊ ዕዮታት ይሕያ ወደቦይ ኪያረ፡ ዝብል ዕማም ሓንጺጸ ንስራሕ ምስተበገስኩ፡ ሽቶታት ናይቲ ፕሮጀክት እንታይ ክኾኑ ኣለዎም?  ዝብሉ ሕቶታት ብቐዳምነት መለስኩ።

KORBARIA SW 192 DATA Yehya Wedeboy Kiyar 25JUNE2016 PDF

መርማሪት ኮሚሽን መግሃስ ሰብኣብኣዊ መሰላት ኣብ ኤርትራ ፡ ኣብ መበል 22 ኣኼባን መበል 32 ሱሩዕ ጉባኤ ሰባኣዊ መሰላት ዘቅረበቶ ጸብጻብን ገብረምላሽን ኣባላት እቲ ውድብን።

መርማሪት ኮሚሽን መጽናዕታ ብምግላጽ፡ ብርግጽ ኣብ ኤርትራ ” ገበናት ኣንጻር ሰብኣውነት” ከምዝተፈጸመ ኡኹል መርትዖታት ከምዘሎ ኣቅሪባ። ዕላማኦም ድማ ነዚ ገበናት ዝፈጸሙ ወልቀ-ሰባት ናብ ኣህግራዊ ቤት-ፍርዲ ምቅራብ ምኻኑ ኣፍሊጦም። 20 ዝኾና ሃገራት ነቲ መርማሪ ኮሚሽን ዘቕረበቶ መጽናዕቲ ከምዝኣምንዎን ከምዝቅበልዎን ኣፍሊጠን።

ጠቅላላ ከባቢ 24 ሃገራት ንውጺኢት መርማሪት ኮሚሽን ዘቕረበቶ ተርኽቦ ምላሽ ሂበን። ከባቢ 20 ሃገራት ፡ ኤርትራ ምስ መርማሪት ኮሚሽን ዕቱብ ምትሕብባር ክትገብር ትጽቢቶም እኮ እንተ ነበረ ብመንግስቲ ኤርትራ ዝተወስደ ሱግምቲ ከምዘግሃየን ሓቢረን። ቅዋም ናይ 1997 ኣብ ገብሪ ከተውዕል ፡ ንፖሎቲካውያን ሃይማኖተውያን ኮነ ጋዜጠኛታት ብዘይ ፍርዲ ዝቀየደቶም ብሁጹጹ ክትፈትሕ፡ ምርጫ ክትግበር፡ ሰብኣዊ መሰላት ክኽበር፡ ናጽነት ናይ ምዝራብን ሓሳብካ ምግላጽን ከተውሕስ፡ ሃገራዊ ባይቶ ክምስረት፡ ሃገራዊ ኣገልጉሎት ገደቡ ክውሰን፡ ኢሰብኣዊ ገበናት ዝፈጸሙ ውልቀ-ሰባት ኣብ ፍርዲ ከተቅርብ፡ ፖሊቲካዊ ለውጥታት ክትገብር፡ ንዓለም ለኻውያን ውድባት ማዕጾኣ ከተርሑ፡ ከምኡ ውን ንጋዜጠኛታት ኣብቲ ሃገር ብነጻ ክንቀሳቐሱ ከተፍቅድ ትጽቢተን እኮ እንተ ነበረ ፡ በንጻሩ ብምኻኑ ኣዚዩ ኢዩ ኣተሓስሲብወን። በዚ መሰረት ድማ እዚ ዝተባህለ ብዘይ ምግብራ ኣድላይ ሱጉምቲ ክውሰደላ ተላብየን።

እተን ኣርባዕተ ሃገራት ኩባ፡ ቨንዝወላ፡ ቻይናን ሱዳንን ድማ ነቲ ናይ መርማሪት ኮሚሽን እኮ እንተ ዘይ ነጸገኦ እንተኾነ ግን ምስ መንግስቲ ኤርትራ ተደጋጋሚ ዝርርብ ዘተን ከምዘድሊ ኣገንዚበን።

ኣብቲ ኣኼባ ካብ ዝተዛረባ ሃገራት፦ ወኪል ኤሮፓዊ ሕብረት ፡ ሲውዘርላንድ ፡ ኩባ ፡ እንግሊዝ፡ ጀርመን፡ ኣውስትራልያ፡ ኖርወይ፡ ቻይና፡ በላሩስ፡ ፍራንስ፡ ጂቡቲ፡ ቨንዝወላ፡ ሕቡራት መንግስታት ኣሜርካ፡ ስፓኛ፡ ጋና፡ ቦትስዋና፡ ሶማልያ፡ ዩክረይን፡ ኒካራግዋ፡ ኬንያ፡ በልጂም፡ ሱዳን፡ ኢትዮጲያ፡ ኣየርላንድ።

ተወሰኽቲ ኤርትራውያን ተጣበቅቲ ሰብኣዊ መሰላት ከም በዓል ሰላም ኪዳነ፡ ኤልሳ ቹሩም፡ ዶክተር ዳኒኤል ረዘነ …. ወ.ዘ.ተ ምስክርነቶም ብምግላጽ ደገፎም ንመርማሪት ኮሚሽን ብምግላጽ ሕቡራት ሃገራት ነዚ ናይ መርማሪት ኮሚሽን ተርኽቦ ብዕቱብ ክሕዞ ድማ ተላብዮም።

ኣብ መጨረሽታ መርማሪት ኮሚሽን በተን ኣባላት ሃገራት ዝቀረበላ ሕቶታት መልስን መብርህን ሂባ።