ምልካዊ ስርዓት ህግደፍ ነቲ ካብ ህዝቢ ዝቐርበሉ ዘሎ መጻዋዕታ ብምፍራሕ ነቲ ዝመሓላለፎ ናይ ታዕሊም መጸዋእታ ሰሪዝዎ

ምልካዊ ስርዓት ህግደፍ ነቲ ካብ ህዝቢ ዝቐርበሉ ዘሎ መጻዋዕታ ብምፍራሕ ነቲ ዝመሓላለፎ ናይ ታዕሊም መጸዋእታ ሰሪዝዎ

ምልካዊ ስርዓት ህግደፍ ነቲ ኩሎም ኣባላት ህዝባዊ ሰራዊት ዕለታዊ ናብርኦም ወንዚፎም ንዕለት 3 ጥሪ 2015 ናብ ዝተፈላለዩ መደበራት ታዕሊም ክወርዱ ዘመሓላልፎ መጻዋዕታ: ነቲ ካብ ህዝቢ ዝቐርበሉ ዘሎ ኣብያ ብምፍራሕ፡ ነቲ መጸዋዕታ ከም ዝሰረዞ ኣብ ኣስመራ ዝርከቡ ኣባላት ዓርቢ ሓርነት ሓቢሮም።

ከም ዝዝከር ምልካዊ ስርዓት ህግደፍ ነቶም ብኣስገዳድ ብረት ኣሕንጊጥዎም ዘለዎ ኤርትራውያን ኣቦታት ናብ መደበር ታዕሊም ክወርዱ ካብ ወርሒ ጥቅምቲ 2014 ኣትሒዙ ብተደጋጋሚ ጸዊዑ እዩ። እንተኾነ ግን እቲ ብሕሰም ዕለታዊ መንባብሮን ግህሰት ሰብኣዊ መሰላትን ተዋሪዱ ዘሎ ህዝቢ ኤርትራ፡ ካብ ናይ ቃል ተቓውሞ ሰጊሩ ናብ ግብራዊ ተቓውሞ ብምስግጋር ነቲ ዝቐርብ ዘሎ ጻዊዒት ጸማም እዝኒ ብምሃብ ብተደጋጋሚ የበርዕኖ ከም ዘሎ ዝሓበሩ ኣባላት ዓርቢ ሓርነት፡ እዚ ዘሎ ህዝባዊ ተቃውሞ ከምዚ ዘለዎ እንተ ድኣ ቀጺሉ ኣብዚ ሒዝናዮ ዘለና ሓድሽ ዓመት ኣብ ኤርትራ ምልኪ ዘይጽረገሉ መኽንያት የሎን ብምባል፡ ህዝቢ ንሓርነታዊ መሰላቱ ንምውሓስ ቃልሱ ከደንፍዕ ኣዘካኺሮም።

ፕሮጀክት ዓርቢ ሓርነት፡ ብ ኣብ ኤርትራን ካብ ኤርትራ ወጻእን ዝርከቡ ኤርትራውያን ዝካየድ ፕሮጀክት ኮይኑ: ነቲ ኣብ ወጻእን ኣብ ውሽጢ ኤርትራን ዝካየድ ዘሎ ናይ ለውጢ ምንቅስቓስ ብምትእስሳር ኣብ ኤርትራ ዲሞክራስያዊ ለውጢ ንምንጋስ ዝሰርሕ ፕሮጀክት‘ዩ።

02-ጥሪ 2015
ፕሮጀክት ዓርቢ -ሓርነት

Eritrea: Regime calls off new calls for military training

(Asmara 02-01-2015) Freedom Friday (Arbi Harnet) activists in Asmara have this afternoon confirmed that the Eritrean regime has called off the announcements requiring many Asmara residents to report for training, tomorrow 3rd of January 2015.

The calls were issued with stern warning of severe repercussion for those who failed to report for training some three weeks ago. However sensing the determination to ignore these calls just like the previous calls in October authorities in the Central Region of the country have started spreading last minute messages about the postponement of the training.

The activists stated: ‘Asmara residents were determined to ignore these calls just like the three previous calls, but they [the regime] backtracked at the last minute and tonight nearly everyone, at least here in “zoba maekel” are aware that it has been called off, we don’t think they will ever pursue the plan again. If the challenge from the public is maintained at this level there is no reason why we won’t see the end of the regime in this new year’.

Three weeks ago all members of the Popular Army and members of the national service who have not registered were informed to report for training on the 3rd of January and sternly warned about repercussions of failing to report. It was feared that the regime will force people to go to “Gahtelay Military training Center”, renown for its inhospitable climate, where the elderly recruits of the Popular Army would have found impossible to cope with.

The repeated show of quiet resistance has become a norm in the Capital where there is a growing confidence and solidarity among residents, who have stood firm in their determination to resist forced militeraisation of the civilian population.

—end—

Notes

The Popular Army in Eritrea is made up of civilians over the age of fifty, who are required to get armed and trained and be on call for duties in their local area, including night patrols.

ጸብጻብ ኣባዓዕላ ሓድሽ ዓመት – 2015- ኣብ ቤር ኤርያ ካሊፎርንያ

ጸብጻብ ኣባዓዕላ ሓድሽ ዓመት – 2015- ኣብ ቤር ኤርያ ካሊፎርንያ

ኣብ ቤይ ኤርያ ካሊፎርንያ ዝነብሩ ኤርትራውያን ደለይቲ ለውጢ ንሓድሽ ዓመት ብኽብ ዝበለ ጽንብል ተቐቢሎማ። እቲ ናይ ምዝንጋዕ መደብ በቲ ኤርትራውያን ንዲሞክራስያዊ ለውጢ ኣብ ቤይ ኤርያ ተባሂሉ ዝጽዋዕ ንኹሉም ኣብዚ ከባቢ ዝርከቡ ናይ ልወጢ ሓይልታት ሓቁፉ ዝንቀሳቀስ ዘሎ ማሕበር ዝተዳለወ መድብ ‘ዩ ነይሩ።

PDF: ምሉእ ትሕስቶ… 2015 NewYear Celebration Oakland Final

ንጭዋ ውዕሎን ዉሳኔታትን ህጹጽ ኣኼባ ኤሃባደለ ምምጓስ ደገፍና ንሙዑት ሓርነታዊ ሰራዊት/ድግሓኤ-ደውዓቀባ ን2015 ዓመት ዝምልከት ሰናይ ሚንዮትና ንገልጽ።

ንጭዋ ውዕሎን ዉሳኔታትን ህጹጽ ኣኼባ ኤሃባደለ ምምጓስ
ደገፍና ንሙዑት ሓርነታዊ ሰራዊት/ድግሓኤ-ደውዓቀባ
ን2015 ዓመት ዝምልከት ሰናይ ሚንዮትና ንገልጽ።

ደሞክራስያዊ ወድብ ብሄር ብሌን ኤርትራ።

ፋሽስታዊ መንግስቲ ህግደፍ፣ ህዝብታትናን ሃገርናን ጨዊዩ ዘይውዳእ መዓትን ጥፍኣትን ይወርድ ከም ዘሎ ኩሉ ወዲ ሃገርን ዓለምን ዝፈልጦ ሓቂ’ዩ። ነዚ ብዝቐልጠፈ ግዜ ደው ኣቢልና ሃገርን ህዝብን ክነድሕን ናይ ኩሉ ዜጋ ሓላፍነት ሙዃኑ ዝዝንጋዕ ጾር ኣይኮነን። ኣብ ደንበ ተቓዉሞ ዘለና መድረኽ ዝጠልቦ ሓላፍነትዊ ስራሓት ንሰርሕ ከም ዘየሎና ኩሉ ብጉዳይ ህዝብን ሃገርን ዝግደስ ዝዛረበሉ ሓቂ’ዩ። ቀዳማይን ካልኣይን ግርጭት ተዘባሪቑ ንጸላኢና ክውዕል ዝግብኦ ሓይሊ ናብ ነንሕድሕድና ኣቅኒዕና ነባዅኖ ጸኒሕና። እዚ መድረኽ ክስገር ናይ ህዝቢ ርእይቶን ድልየትን ነቐፈታን ቀሪቡ።

ነዚ ኣዓዋቲ ዕላማ ከትግብሩ ትጽቢት ዝተገብረሎም ኣብ ዝሓለፈ ሶሙናት ዝተጋብኡ ኣባላት ባይቶ ካብ ዕለት 15 ክሳብ 20 ታሕሳስ 2014 ኣብ ህጹጽ ኣኼባ ኤርትራዊ ሃገራዊ ባይቶ ንደሞክራስያዊ ለውጢ (ኤሃባደለ) ህዝቢ ኤርትራ ከም ትርግታ ልቡ ክከታተሎ ከም ዝጸንሐ ካኣ ንኩሉ ብሩህ’ዩ። ሕሉፍ ተሞክሮታትና ሪኢና ኣኼባ ባይቶ ብዘይ ፍረ ከይወጽእ ከኣ ዓቢ ስግእት ኔርና።

ህጹጽ ኣኼባ ኤሃባደለ “ንኩሉ ዕንቅፋታት ብምውጋድ፡ 2ይ ሃገራዊ ጉባኤ ከነዓወት ኢና!!”ኣብ ትሕቲ ዝብል መሪሕ ጭርሖ፡ ብወግዒ ስርሑ ካብ ምጅማሩ ኣትሒዙ በብግዝዩኡ ዝወጹ ዝነበሩ መግለጽታት እዛ ሃገር እባ ሰብ ኣለዋ ክንብል ክኢልና። ከም ሓንቲ ገረብ ብንፋስ ተዲፊኣ ክሳብ መሬት ትስዕም፣ ንፋስ ህድእ ምስ በለ ድማ ደው (ትኽል) ትብል ህጹጽ ኣኼባ ኤሃባደለ’ውን ብግብሪ ”ክንብል በለ እንበር ኣይተኻዕወን” ምስ በሉና ዳርጋ ሓርነት ዝረኤና ክይኑ ተሰሚዕና። እዞም ተጋባእቲ ኣብ’ዚ ጽንኩር ግዜ ታሪኽ ፈጺሞም። ነዚ ሰናይ ጅማሮ ንመንገዲ ዓወት፣ ደሞክራስያዊ ወድብ ብሄር ብሌን ኤርትራ የመጉስ። ሕጂ’ውን ጉድለታት ኣይክረኤን’ዩ ዝብል እምነት የብልናን እንተኾነ እዚ ናይ ወለድና ኣገባብ ምክብባር ምጽዉዋር ምትሕልላይ መሰል ኩሉ ኣብ ግምት ወሲድካ ምስራሕ ምስ ዝዕንብብ ዝስዕረና ሓይሊ ሰብ የሎን። እዚ ክቅጽልን ክዕንብብ ከኣ ናይ ነፍሲ ወከፍ ደላይ ለውጢ ሓላፍነት ስለ ዝኾነ ግቡእና ክንገብር በዚ ሰናይ ኣጋጣሚ`ዚ ነዘኻኽር።

እዚ ዓመት 2014 ማእሰርትን ቁስልን ስደትን ሞትን ኣኳ እንተለዎ ማዕሪኡ’ውን ዓበይቲ ዓወታት ዝተራእየሉ ዓመት’ዩ።

ካብ ካቶሊካዊ ቤተክርስታይን፣ ብሓሙሽተ ጳጳሳት ”ኣበይ ኣሎ ሓውኻ” ብዝብል ጎዲልና ዘሎ ክማልእ ሓላፍነት ህዝብን መንግስትን ከም ዝኾነ ዝገልጽ ተሪር ወግዓዊ ጽሑፍ ወጺአ፣ ካብ ቤትክርስታያን ተዋህዶ፣ ካብ መንበረ ጵጵስና ወጻኢ ዝተኸታተለ ጽሑፋትን ስብከትን ንሰሚዕ ጸኒሕና፣ ኣብ’ዚ ዓመት ግን ሓምሽተ ገዳማት ኤርትራ ብቐጥታ ነቶም ገብርቲ እከይ ዝብልዎም ዝኹንን ጽሑፍ ምውጹኡ ዓቢ ዓወት ኔይሩ።

ሃይማኖት ኣስላም”ውን ብድረጃ መፍቲ ዝወጽአ ጽሑፍ እኳ የሎን እንበር ካብ 1991 ዓ.ም ብዓበይቲ ሽማግሌታትን ሸኻትን ነዚ ስርዓት ዝኹንን ነቢብናንና፣ ናይ ቦሎኛ ሰላማዊ ሰልፊ ህግደፍ ንኤውሮጳ ክቀብጻን ኣብ ቅድሚ ማሕበረ-ሰብ ዓለም ክቃላዕ ብዓቢ ቃጭል ዝተንብሄ ፍጻሜ`ዩ ኔይሩ።

ናይ ሕቡራት መንግስታት ሰብኣዊ መሰላት ባይቶ በብመድረኹ ዝወስዶ ዘሎ መርገጽ ፖሎቲካ፣ብቀንዱ ድማ መርማሪት ኮምሽን (commission of inquari) ክትቆውም ምውሳኑ ነቶም ኣብ’ዚ እተክሮም ዝሰርሑ ጎረባብትን፣ ንኩሉ ደላይ ለውጥን ዝሕጉስ ብስራት`ዩ፣ ዝረኤን ዘይርኤን ኣብ ዉሽጥን ደገን ዝኽየድ ተቓዉሞ፣ ኣብ ኩሉ ሃገራት ዝኸይድ ኣኼባታትን ሰሚናራትን ሰላማዊ ሰልፍታትን፣ብሚድያ ጽሑፋትን መጽሄታትን ዌባትን ሬድዮታትን ፓል ቶካትን፣ ተደደማሚሩ ኣብ’ዚ ዓመት’ዚ ንቅሓት ህዝብና ክብ ኣቢልዎ ኣሎ። ንቀዳማይን ካልኣይ ግርጭታት እናፈለናን ብምክብባር ብምጽዉዋር ብምትሕልላይ መሰል ኩሉ ብምሓልውን ክሳብ ዓወት ክንምርሽ በዚ ሓዲስ ዓመት ደሞክራስያዊ ወድብ ብሄር ብሌን ኤርትራ፣ ለበዋና ነመሓልልፍ።

ካብ ኩሉ እቲ ኩሉ ህዝብና ዝጽበዮ ዝነበረ ስመረት ወተሃደራዊ ክንፊ’ዩ። ነዚ ስመረት ኣሃዱታት ብዓወት ዘበሰሩና ጀጋኑ ኣሃዱታት ደሞክራስያዊ ግንባራት ሓድነት ኤርትራን ደሞክራስያዊ ውድብ ዓፋር ቀይሕ ባሕርን ዘይተቆጠበ ደግፍና ንገልጽ። ኻልኦት’ውን ቅልጽሞም ኣብ ሓደ ሃገራዊ ዲሞክራስትያን ግንባር ከስምሩ በዚ ኣጋጣሚ ንጽዉዕ።

ዓወት ካብ ስሙር ሓይልታት ከም ዝምንጩ እምነትና’ዩ። እቲ ብመተከል ዝመሳሰል ኣብ ሓደ ግንባር ክመጽእ መድረኽ ዝሓቶ ሓቂ’ዩ። ደሞክራስያዊ ወድብ ብሄር ብሌን ኤርትራ’ውን እቶም ብብሄራዊ መንገዲ ዘተወደቡን መሰል ብሄራት ዝኣምኑንን ሕበረ ብሄርዊ ዲሞክራስያዊ ውድባት ኣብ ትሕቲ ሓደ ግንባር ክጥርነፉ ደጋጊምና ንጽውዕ። ንሕና ብዘይቅድመ ኵነት ኩሉ ዓቅምና ዘፍቅዶ ክነወፊ ድልዋት ምዃና ንገልጽ።

ንመድረኻዊ ሕቶ ዝመለሰ ህጹጽ ኣኼባ ኤርትራዊ ሃገራዊ ባይቶ ንደሞክራስያዊ ለውጢ እናመጎስና ነዚ ናብ 2ይ ጉባኤ ዝወስድ መንገዲ ከም ኣብነት፣ ንውሳኔታቱ ከም መደብ ስራሕ ክንወስድ ንላቦ። ንክብርታትና ክንመልስ ክተት ንብል።

ኣብ መጨረሻ ድማ ንመንግስትን ንህዝብታት ኢትዮጵያን እዚ ህጹጽ ኣኼባ ኤርትራዊ ሃገራዊ ባይቶ ንደሞክራስያዊ ለውጢ ክትግበር ንዝሓገዙና ነመጉሶም። ኣብ ኤርትራ ሰብኣዊ መሰላት ክሕሎ ዝግበርዎ ጻዕርታት ክሳብ ዓወት ክኸዱ ዝምድናና ንረብሓ ክልተ ህዝብታት ብማዕረ ኮይኑ ሰላምን ርግኣትን ምዕባሌን ከባቢና ክነጽንዕ ንምኔ።

ውድቀት ንፋሽስታዊ ስርዓት ህግደፍ!!
ዓወት ንሓርነታዊ ቓልሲ ህዝብታት ኤርትራ!!
ደሞክራስያዊ ወድብ ብሄር ብሌን ኤርትራ።
30/12/2014