By

መልቀስ
ንዝኽሪ ላምባዱስ!!!!!!!!!!
ወየ!!!!ወየ!!!!ወየ!!!

ኢለ ክዝክሮ ዘይተርኽቦ ደበሳ!!!
ክንዝክሮ ዝመረረ!!!ሓዘን ላምባዱስ
ዝኸበደ ሓዘን ዘይብሉ ደበሳ
ወዲ ኮነ ጓላ ክንደይ ተረሚሳ
ወላዲት መናእሰይ ከብዳ ተሓሚሳ
ኮይናዶ ተርፈት ሃገርና ዘይብላ ዝደበሳ።

ክንደይ ይመርርር መዓንጣኻ ዘሕረረ
ገሪሙኒ ኣነስ ሓዚነ ሓሪረ
ብሓደ እዋንዶ እዚኹለ መረረ
ዓለም ሓዚና መዕንጣኣ ተኾምተረ
ሕልፈት ኤርትራ ኣብ ዓለም ተነግረ
መንሞ ተሪፉ ሓዚኑ ዘይዘረ።

ኣብ ቦስተንን! ኣብ ኣትላንታን!!!
ሓደረ ክወቕዑ ከበሮ
ክንደይ ተሓኒነን ብዓል ዕትሮ ምትሮ
በሊዒን በሊዔን ካዕቦ ምዕሮ
ልቢዶ ስኢኖም ዝሓስብ ኣእምሮ
ኽሕደትን ጥልመትን ቀደም ዝተማህሮ
ኣባል ናይ ሻዕብያ እኩባት ደንቖሮ
ፈለማ ትምህርቶም ስድራ ቤት ስበሮ
መንነትካ ክሓድ ፍቕሪ ንኸይሓድሮ
ንሓዉኻ ቕተል ሕረዶ ምተሮ
ጭካኔ ሓኽልና ምስጢርና ስተሮ።

ሻዕብያ ከዳናግር ሓቂ ንኸምስል
ዉዕል ሕድር ኢልካ ተግባሩ ዝቐልል
ገንዘብ ተርኸበ ንዓለም ከታልል
ሓቂ ንኸምስል ኣብ ህዝቢ ከሽካዕልል
ከውደድኽ ጀመረ ህዝቢ ንኸታልል
ሓቅነት ዘብሉ ተጋብሩ በለ ብልልል።

ወየ!!!!! ወየ!!!!!ወየ!!!!!
ላምባዱሳ!!! ላምባዱሳ!!! ላምባዱስ!!!!
ክንደይ ክንብሎም ዝተቐዝፉ ኣሕዋትና
ስሓቕ ዘይርከባ መጥፊእት ህዝብና
ከይነማርር!!! ርህራሄ!!! ኣርኣዩና
ክብረት ዝተረኽቦ ኣብ መሪር ሓዘና
ብስርዓት ተፈትሑ ዝመቱ ኣሕዋትና
ዘገርም ነገርዩ ጭዉነት ረኸብና
ወራዙት ኢጣልያ ክብሪ ኣርኣዩና
ኣቦና ፍራንሲስ ሓዝዘኑ ምሳና
ሕሰም ኣይትርከቡ መሪር ወሪዱና።

ወየ!!!!ወየ!!!! ወየ!!!
ኣብ ማእከላይ ባሕሪ እዋኑውን ቁሪ
ወላዲት ምስደቃ ኣተወት ንባሕሪ
ብጽሕቲ ወርሒ ሓፍተይ ዘይብላ ሰታሪ
ዝተወለደ ህጻን ከይረኣየ ምድሪ
ትንፋስ ከይረኸበ ተዋሕጠ ኣብ ባሕሪ
መዳሕንቱ ስዓበ ኣይረኸበን ክብሪ
ዘገርም ነገርዩ ዝሓልፈ ታሪኽ ንዝኽሪ።

ወየ!!!!! ወየ!!!!!! ወየ!!!!!!

ኤርትራዊ ንዓ ልቢ ግበር
ጸገምካ ፍለጦ ኣይትበል ዉዕል ሕደር
ጓላ ነገር ገዲፍካ ሕሰብ ተበራበር
እንዳመን ተሪፉ መንቀና ዘይስበር
ወዲ መን ተሪፉ ዘይሓድር ኣብ መሮር
መንእሰይ ሃገረይ እንክብል ዓንዘረዘር
መዕለቢ ስኢኑ ፈቐዳኡ ይቕበር።
ናይ ሲናይ ከይኣክል ልብያ ተወሲኹ
ዓተርዶ! መሸላ! ኮይኖም ብሓዊ ክህሞኹ
ስርዓት ናይ ሸፋቱ ቀደም እዩ ቦኽቢኹ
ሓድነት ዘይብሉ ህዝቢ ይነብር ማይ ዓሚኹ።

ተኻፋሊ ሓዘን
ሃይለ ገብረትንሳኤ
ኢንድያናፖሊስ ኢንድያና
12 ጥቅምቲ 2014

ኤርትራ ንኤርትራውያን ! ንመን ድኣ….?

ሻድሻይ ክፋል

 ሓሙሽተ ክፋላት ጽሑፍ ኤርትራ ንኤርትራውያን ንመን ድኣ…? ከም መእተዊ ናብቲ ቀንዲ ዛዕባናን ገለ ገለ እዋናውያን ጉዳያትን ዘጠቓለለ ኢዩ ነይሩ፡፡ ማዕረ እቶም ብወገነይ ዝቐረቡ መእተውን መረዳድእን ሓሳባት፡ ብብዙሓት ነበብቲ እዚ ጽሑፍ ዝቐረበ ርእይቶን ነቐፌታን ምኽርን እውን ጽሑፈይ ዕሙቀትን ስፍሓትን ንኽህልዎ ኣዝዩ ሓጋዚ ከም ዝኾነኒ ከዘኻኽር ይደሊ፡፡ ንኹሉኹም ኣብዚ ዘልዓልኩዎ ኣዝዩ ተኣፋፍን ትብዓት ዝሓትትን ጉዳይ ግሉጽን ሓቀኛን ሓሳባትኩም ዘፍሰስኩም ድማ ብልቢ የመስግነኩም፡፡ ስለዝኾነ ሻድሻይ ክፋል ጽሑፈይ ንገለ ካብቲ ዝመጻኒ ሕቶታትን ዘለዎም ስክፍታታትን ማዕሪኡ እውን ግጉይ መረዳእታን ኣመለኻኽታን መልሲ ክህበሉን ዝዓቕመይ ሓሳባት ወስ ከብለሉን ክፍትን እየ፡፡

እቲ ቀንዲ ሕመረት ኣርእስትና ብፍላጥ ይኹን ብዘይ ፍላጥ ንቓለስ ኣለና እናበልና ንደምበ ተቓውሞ ኤርትራ ዘራጊቶ ነእትወሉ ኣለና፡፡ እንተስ ተገሪህና ሓደው ብፍላጥ ኮነ ኢልና ግጥምታት ጉጅለ ህግደፍ ዜማታት ቀይርና ንደርፍ ኣለና፡፡ ማዕረ ጉጅለ ስርዓት ህግደፍ ንሕና እውን ንንቑሓትን ብልህታትን ተቓለስቲ ክንቀትልን ክንቅንጽልን ንውዕል ኣለና፡፡ ኩልና መራሕቲ ኩልና ኪኢላታት ፖለቲካ ክንከውን ንፍትን ኣለና፡፡ ቃልሲ ዘመን ኣምጸኦ ዓይነት ፋሽን ኮይኑ፡ ቀንዲ ውራየን ገዲፈን ንሕድሕደን ዝተሃናኾታ ጉጅለታት ንፈጥር ኣለና፡፡ ካብ ስነ-ሓሳብ ኢሳይያሲዝም ብዘይፍለ፡ ንህዝቢ ኤርትራ ንሕና ንፈልጠልካን ንሓስበልካን ዝብሉ ንሰምዕ ኣለና፡፡ እንተስ ስምዒት ደሪኹና ሓደው ኮነ ኢልና ብፍላጥ፡ ቃልሲ ደምበ ተቓውሞ ንሕድሕዱ ምትእምማን ኣጥፊኡ፡  ክተሃናኾት መድሎ ጉጅለ ስርዓት ህግደፍ ንኸውን ኣለና፡፡ እታ መርዛምን ሓደገኛን ኢሳይያስ ካብ ፈለማ ምፍላይ ህዝባዊ ሓይልታት ዝዓጠቓ ቡምባ ድማ፡ እዛ ሕጂ ዜማ ተቐይርዋ ሪሚክስ ኮይና ክትጋዋሕ ንሰምዓ ዘለና ሰራም ደርፊ ኢያ፡፡ ሓደ ሃገራዊ ተሓላቕን ዋና ኤርትራን እቲ ሓደ ከዳዕ፡ ዘይሃገራዊ፡ ሸያጢ ኤርትራ፡ ኣውራጃዊ፡ ሃይማኖታዊ፡ ልኡኽ ኣመሪካን ኩርኩር መንግስቲ ኢትዮጵያ፡፡ እንተኾነ እቲ ሓቅን ጭቡጥ ክውንነትን ዘይራኸብ ሕቖን ከብድን ኢዩ፡፡

ዜርካ ዜርካ እቶም በሃልቲ ብዓውታን ብግህዶን ክብልዎ ንዝደልዩ፡ ቀጥታዊ ግብረ መልሲ ከጋጥሞም ምዃኑ ስለ ዝፈልጡ፡ ነቲ መሪር ዕረ መዓር ሸፊኖም ከቕርብዎ ኢዮም ዝፍትኑ ዘለዉ፡፡ ኤርትራ ንኤርትራውያን! ጉዳይና ባዕልና! ወያነ ናይ ታሪኽ ጸላኢና ኢዩ! ምስ ኣመሪካን ዓለምን ኢና ንዋጋእ ዘለና! ኣብ ልዕሊ ልኡላዊ መሬት ኤርትራ ወራር ዝፈጸመ ወያነ ኢዩ፡፡ ወያነ ካብ ባድመ ከይወጸ ናብ ኢትዮጵያ ምእታውን ኣብ ኢትዮጵያ ኮይንካ ምቅላስን ክድዓት ኢዩ! መንግስቲ ኢትዮጵያ ድኽምቲ ኤርትራ ክትህሉ ኢዮም ዝደልዩን ዝሰርሑን ዘለዉ! ወዘተ  ወዘተ ……..? ከምቲ ደጋጊመ ኣብ ዝሓለፈ ሓሙሽተ ክፋላት ጽሑፈይ ዘነጸርኩዎ ሕጂ እውን ብድሙቕ ከስምረሉ፡ ዝኾነ ይዕበይ ይንኣስ ፍልልያት ይሃልወና ኤርትራዊ ተቓላሳይ ንኤርትራ ክሸጣ ፈቲኑን ተሰማሚዑን ዘይኮነ ሓሲቡ እውን ኣይፈልጥን ኢዩ፡፡ ከይሸጣን ከይልውጣን ክንጥንቀቐሉ ዝግበኣና ሓደ ኢሳይያስ ጥራይ ኢዩ፡፡ ሓደገኛነት ናይቶም በሃልትን ካባ ተቓወምቲ ዝወደዩ ካልኣይ ገጽ ኢሳይያሳትን እናኣሰተባሃልና፡ ሎሚ ንኽልተ ካብተን ብተደጋጋሚ ዝቐርባለይ ሕቶታት መልሲ ክህበሉ ክፍትን እየ፡፡ ቀዳማይ ጀማሪ ናይቲ ናይ ህልቂትን ዕንወትን ናይ ጽሉላት ኲናት መንʼዩ..? ማዕሪኡ ብኮሚሽን ዶብ ዝተዋህበ ይግባይ ዘይበሃሎ ብይን መሰረታዊ ፍታሕ ኣሚጺኡ ርግእቲ ኤርትራን ጎረቤት ሃገር ኢትዮጵያን ክህልዋን ክፈጥርን ይኽእልʼዶ..?

ቀዳማይ ጀማርን ሸርጣጥን ውግእ ብሰበብ ባድመ መንʼዩ..? ቀዲመ ኣብ ሳልሳይ ክፋል ጽሑፈይ “ሰብ ዝፈልጦ ድቓላ ሓኒቕክን ኣይትቕተላ ክብል አፍኢመ ነይረ እየ፡፡” ፈላሚ ናይቲ ዕቡድ ናይ ጽሉላት ኲናት ብምስማስ ባድመ ውግእ ዝጀመረ ኢሳይያስ ኢዩ፡፡ ኮይኑ ግን ኲናት ብባድመ ስለ ዝጀመረ ጠንቂ ኲናት ባድመ ወይ ዶብ ኮይኑ ኣይፈልጥን፡፡ ነዚ ዘረጋግጹልና ዘይተጀልሑ ጥረ ሓቅታት ብዙሓት ኢዮም፡፡ ኣብዚ ጉዳይዚ ብኣፍልጦ ዘይኮነ ብስምዒት ከመይ ቢልካ ውግእ ኤርትራ ጀሚራቶ ትብል..? ወራር ዝገበረ መንግስቲ ኢትዮጵያ ኢዩ፡፡ ዝብሉ ከም ዘለዉ እፈልጥን እርዳእን እየ፡፡ ከምቲ ኣቦታትና ክምስሉ ዝብልዎ ፈሊጡ ዝደቀሰስ ነቕኒቕካዮ ነይሰምዕ ከኸውን ንዝደሊ ምርጭኡ ኢዩ፡፡ እቶም ሓቅታት ግን እዚኦም ኢዮም፡፡ እዚ ሓሳብ እዚ ቃል ብቓሉ ካብቲ ሓርበኛታት መራሕቲ ገድሊ ኤርትራ፡ ምስ ጸሓፊን ተመራማርን ታሪኽ መሓዛ ህዝቢ ኤርትራ ዝኾነ፡ ኣመሪካዊ ዳነ ኮነል ዝተገብረ ዝርርብ ኢዩ፡፡ ደጊሙ ነቲ ሓቂ ክፈልጥ ዝደሊ conversation with Eritrean political prisoners ምውካስ ይካኣልʼዩ፡፡

“ብዛዕባʼዚ ቅልውላው ንባዕሉ ሰለስተ ኣርባዕ መዓልታት ምስ ሓለፎ እየ ሰሚዐ፡፡ ፈለማ ኣተኩሮና ንሃገርና ብንቡር ቅዲ ኲናት፡ ብኸመይ ንከላኸለላ ዝብል ኢዩ ነይሩ፡፡ ብድሕሪ መጋረጃ ዝነበረ ድርኺት ገና ክጽናዕ ዝግበኦ ኢዩ፡፡ ጠንቂ ኲናት ተባሂሉ ዝተዋህበ መግለጺ ብወገነይ ኣይዓገብኩሉን፡፡ ናብ ባድመ ወራር ክንፍጽም ውሳነ ዝወሰደ መን ምዃኑ ንባዕሉ ግልጺ ኣይኮነን፡፡ እዚ እውን ዜሩ ዜሩ ናብ ኣወሳስና ጉዳያት ኢዩ ዝመርሓና፡፡ ብቐዳምነት ኣብ ስትራቴጂካዊ ጉዳያት ናይ ሓባር ውሳነ ዝበሃል ኣይነበረን፡፡ ንኸምዚ ሕቶታት ዝርኢ፡ ካብ ሚኒስትሪታትን ክፍሊ ሓበሬታን ዝቖመ ትካል ሃገራዊ ጸጥታ ክሳብ ሕጂ የሎን፡፡” ቃል ሓርበኛ ኣብ ጸላም ማሕዩር እምባትካላ ዝተሰወአ ጅግና ጀነራል ዑቕበ ኣብርሃ፡፡ (ዕላል ምስ ኤርትራውያን እሱራት ፖለቲካ ገጽ 103)

“ኣብ ባረንቱ እንታይ ተፈጺሙ ኣብቲ ግዜʼቲ ዝፈልጦ ኣይነበረንን፡፡ እታ ጸሓፊቱ ንዓይን ንየማነ ማንኪን ኢሳይያስ ከም ዝደለየና ነጊራትኒ፡፡ ናብ ቤት ጽሕፈቱ ምስ ከድና፡ ኣብ ባረንቱ ምክልኻል ኣይተኻእለን፡፡ ነዝልቕ ኣለና፡፡ እንታይ እንተገበርና ይሓይሽ…? ሕቡራት ሃገራት እንታይ ከሓግዙ ይኽእሉ.? ኢሉ ሓቲቱኒ፡፡ ዋእ ዝግበር የለን፡፡ ወያነ ንኲናት ዝኸውን መመሳመሲ ኣለዎም፡፡ ኣህጉራዊ ማሕበረሰብ ዝኾነ ኩነኔ ኣይገብረሎምን ኢዩ፡፡”

     “ኣብ 98 ኤርትራ ብኢትዮጵያ ዝመሓደር ዝነበረ ቦታ ብሓይሊ ምስ ጎበጠት መንʼዶ ኮኒንዋ ኢዩ፡፡ እቲ መሬት ናይ ኢትዮጵያ ድዩ ናይ ኤርትራ ካልእ ሕቶ ኢዩ፡፡ የመሓድርዎ ስለ ዝነበሩ ብሰላም ለቒቕኩም ውጹ ኢሎምና፡፡ ኣህጉራዊ ማሕበረሰብ ንዓና ኣይኮነነናን፡፡ ስለዚ ሕጂ ንወያነ ዝኹኑኖም ኣህጉራዊ ማሕበረ-ሰብ የለን፡፡” ቃል ሓርበኛ ተጋዳላይ ሚኒስትሪ ወጻኢ ጉዳያት ኤርትራ ሕጂ ኣብ ጸልማት ማሕዩር ዒራዒሮ ተዓፊኑ ዘሎ ጅግና ሃይለ ወልደትንሳኤ ድሩዕ፡፡(ዕላል ምስ ኤርትራውን እሱራት ፖለቲካ ገጽ 119)

“ፈለማ ሚኒስተር ጉዳያት ወጻኢ ምስ ኮንኩ ሓደ ዎርክሾፕ ኣዳሊና ኣብ ብዙሕ ጉዳያት ዘቲና፡፡ ብዛዕባ ተኣፋፊ ጉዳያት ሃገርና ዘቲና፡፡ ምስ ሰለስተ ሃገራት ጅቡቲ የመንን ኢትዮጵያን ኣብ ሽግር ክንህሉ ጽቡቕ ኣይኮነን፡፡ ባህሪʼዚ ጸገማት ነጽንዓዮ፡፡ ክንገብሮ ንኽእል እንተሎ ብኸመይ ከነወግዶ ከም ዘለና ንሕሰብ በልና፡፡ እቲ ሽግራት ግና በብሓደ ስዒቡ፡፡ ኩነታት ናብ ዝኸፈኣ ተሰጋጊሩ፡፡ ስለምንታይ ደንጒኹም ዝበሃል ዘሎ የዋህነት ኢዩ፡፡ ዝመጻና ሽግራት እናፈለጥና፡ ክሳብ ክንደይ ክንተዓጻጸፍ ንፍትን ምንባርና በዚ ክትርእዮ ትኽእል ኢኻ፡፡”

“ብዛዕባ የመን እንተኾይኑ ኣነ ብዕሊ ዝፈልጦ ነገር እውን የብለይን፡፡ ምስ የመናውያን እቲ ክርክር ነይሩ ኢዩ፡፡ ብዛዕባ ኲናት ግን ከም ሰበይ ጸኒሐ እየ ሰሚዐ፡፡ ሚኒስትሪና መጥፋእቲ ሓዊ ከም ዝበሃል ትፈልጥʼዶ…? ኢሳይያስ ቦምባ ይውርውር ንሕና ድማ ሓዊ ከነጥፍእ ንኣቱ፡፡ ቃል ሓርበኛ ተጋዳላይ ሚኒስትሪ ሃብቲ ዓሳ ኤርትራ ሕጂ ኣብ ጸላም ማሕዩር ዒራዒሮ ተዓፊኑ ዘሎ ጅግና ጴጥሮስ ሰለሞን፡፡ (ዕላል ምስ ኤርትራውያን እሱራት ፖለቲካ  ገጽ 129 – 130)

እዚ መርትዖታት እዚ ካብቲ ባሕሪ ጭቡጥ ሓቅታት ብማንካ ኢዩ፡፡ ነዚ ሐቅታት እዚ ንጸጋም ጎሲና ናበይ ኢና ክንከይድ ንደሊ ዘለና…? እቲ ብኢሳይያሲዝም ግናይ ስነ-ሓሳብ ዝደስከለ ርእስና ክሳብ ተራና በጺሑ ብመርዛም ሴፍ ኢሳይያስ ንቕንጠብ ኣይንሰምዕን ኣይንፈልጥን እንተኾይኑ ካልእ ኢዩ፡፡ ስለ ዝኾነ ሸርጣጢ ኲናት ብምስማስ ዶብ ኣብ ባድመን ከባቢ ዛላምበሳን ቡሬ ዓሰብን ኢሳይያስ ምዃኑ ዕረ እናጠዓመና ንውሓጦ፡፡ ብፍላይ እተን ብወገን ባድመ ኣብቲ ውግእ ዝኣተዋ ክልተ ክፍላተ ሰራዊት ክፍለ ሰራዊት 2001 ከምኡ ውን ክፍለ ሰራዊት 161 ኣብ ቦታ ፍጻመ ስለ ዝነበርኩ፡ መነመን ኢዮም ነቲ ኲናት ዝመርሕዎ ዝነበሩ ከሳብ ኣዘዝቲ ቦጦሎኒ ዝነበሩ ሓለፍቲ ኣስማቶም ጥራይ ዘይኮነ እንተላይ ወተሃደራዊ ቁጽሮም ኣሰንየ ከውጽኦም ዘጸግም የብሉን፡፡ ብዓቢኡ ግን ኤርትራ ብመንገዲ ዕቡድ ደም ምፍሳስ ባህ ዝብሎ መራሒኣ ኢሳይያስ ኣፈወርቂ ጀማሪት ውግእ ምዃና ብመገዲ ኮሚሽን ካሕሳ ተረጋጊጹን ኢዩ፡፡ እቶም ሕንኽ ዘይብሉ መራሕቲ ጉጅለ ህግደፍ እውን እወ ውግእ ባዕልና ጀሚርናዮ ክብሉ ክታሞም ኣንቢሮምሉን ኢዮም፡፡ ንሕና እቶም ከይረኣና ብምስማዕ ጥራይ ዝኣመና ስለምንታይ መዝገቡ ንዝተዓጽወ ጉዳይ ጥብቅና ንቖመሉ ዘለና፡፡ እዚ ሓደ ካብቲ ምንታዕ ዘድልዮ ሕበጣትና ኢዩ፡፡

ኣብ መጠረሽታ ካብ ቃላት ሓደ ካብ ገዳይም መራሕቲ ገድሊ ኤርትራ ዝኾነ፡ ሕጂ ኣብ ማሕዩር ዒራ ዒሮ ተዐፊኑ ዘሎ ሓርበኛ ተጋዳላይ ሃይለ ወልደትንሳኤ ድሪዕ፡ ከም ዘለዎ ብምስፋር እየ ጽሑፈይ ከዛዝሞ፡፡ “ወያነ ግንቦት 13 – 1998 ፓርላምኦም ካብ ዝኣከብሉ ዕለት ጀሚሮም፡ ዝነበሮም መግለጺ ሓደን ዘይቅየርን ኢዩ፡፡ ኤርትራ ኣብ ትሕቲ ምምሕዳርና ዝነበረ ዓድታት ብሓይሊ ወሪራትልና ኣላ፡፡ እንድሕር ብሰላም ዘይትወጽእ ኮይና፡ መሬትና ሓራ ክንገብር መሰል ኣለና፡፡ ዝብል ዘይቅየር ፖሊሲ ወያነ ኢዩ ነይሩ፡፡ ወያነ ንሰራዊት ኤርትራ ካብ ባድመ ደፊኡ ምስ ኣውጸኦ፡ ኤርትራ ካብቲ ዝተረፈ ወሪራ ሒዛቶ ዘላ መሬት ትውጻእ፡፡ ባድመ ክንብል እንከለና ነቲ ካልእ ዝተወረረ መሬትና ውን ዘጠቓልል ኢዩ ኢሎም ብንጹር ኣቖሚጦሞ ኢዮም፡፡ ዋላኳ ድሕሪ 6 ግንቦት ኤርትራ ልኡላዊ መሬተይ ኢዩ እንተበለት ቀዲሙ ወያነ ዘመሓድሮ ግዝኣት ኢዩ ነይሩ፡፡ (ዕላል ምስ ኤርትራውያን እሱራት ፖለቲካ ገጽ 119 – 120)   ሓቂ ተዛሪብካ መገዲ ባቡር ደቅስ ከምዚ ኢዩ፡፡ ሎሚ ነዚ ሓቂ ተቐኒትና ንመሰረታዊ ፍታሕ እጅገና ሰብሲብና ብትብዓት ምግጣም እምበር ኣብ ኢሳይያስ በሎ ተዘፊቕና ክንነብር የብልናን፡፡

ነቲ ኣዝዩ ተኣፋፊ ካልኣይ ሕቶ ኮሚሺን ዶብ ብዝሃቦ ብይን ምሕንጻጽ ዶብ ኢትዮ-ኤርትራ መሰረታዊ ፍታሕ ኣምጺኡ ምርግጋእ ይፈጥርዶ…? ሕጂ ክነውሓና ስለ ዝኾነ እቕሬታ ኣብ ሻብዓይ ክፋል ብሰፊሑ ክንድህስሶ፡፡

ይቕጽል………………

ሚኪኤል እምባየ (ኣራንቺ)

[email protected]

Tele +251-921924501

ስርዓት ህግደፍ ንኣቶ ዮፍታሄ ድሜጥሮስን ጸሓፊኡ ዝነበረ ኣቶ ሃብቶም ርእሶምን ካብ ቤተ ክርስቲያን ተዋሕዶ ሰጒጉዎም ከምዘሎ ተረጋጊጹ ኣሎ። እዚ ስጉምቲ’ዚ ዝውሰድ ዘሎ፡ ኣቶ ዮፍታሄ ዲሜጥሮስን ቀሺ ሃብቶም ርእሶምን ካብ ቤተ ክርስቲያን ተዋህዶ ክእለዩ፡ ገዳማት ኤርትራ  ኣብዚ ዝሓለፈ ክልተ ሰሙን ጥርዓን ድሕሪ ምቕራቦም እዩ። ገዳማት ኤርትራ ኣብ ዘቅረብዎ ጥርዓን፥ ኣቶ ዮፍታሄ ድሜጥሮስን ጸሓፊኡን ንዓሰርተ ዓመታት ዝተጎዓዝዎ ጉዕዞ ኣብ ቤተ ክርስቲያን ከቢድ ሃስያ ከም ዘውረዱ ብምጥቃስ፥ ኣብ ርእሲኦም ዳግማይ ውግዘት ስለዝገበረ፡ ስርዓት ህግደፍ ከምዚ ዓይነት ስጉምቲ ከምዝወሰደ ዝረኸበናዮ ዜና ይሕብር።

ስርዓት ህግደፍ ነዚ ስጉምቲ ዝወሰዶ፡ ድምጽን ጠለብን ገዳማት ኤርትራ ስለዘገደሶ ድዩ ? ንዝብል ሕቶ ንግዚኡ ንህዝብን ኣንበብትን ንሓድጎ። እቲ ሓቂ ግና ስርዓት ህግደፍ ባዕሉ ብዝመዘዞ ኣቶ ዮፍታሄ ዲሜጥሮስን ጸሓፊኡ ኣቶ ሃብቶም ርእሶምን ኣብ ልዕሊ ቤተ ክርስቲያን ተዋህዶ ከቢድ ዕንወትን ጥፍኣትን ወሪዱ እዩ። ብሰሪ እዚ ዘይቅዱስ ኪዳን፡ ማእለያ ዘይብሎም ካህናት ካብ ቤተ ክርስቲያን ክስጐጉ እንከለዉ፡ መነኮሳት ድማ ገዳሞም ሓዲጎም ተሰዲዶም እዮም። በደል ዘይብሎም ካህናትን መነኮሳትን ፈቐዶ ቤትማእሰርትን ጎዳጉድን ይበልዩ ኣለዉ። ብሓፈሻ፡ ውሉድ ኣገልገልቲ ቤተ ክርስቲያን ካህናት ክዝኽትሙ፥ ኣንስቲ ካህናት ክልምናን ኣብ ሓደጋ ክወድቃን፥ ቤተ ክርስቲያን መኣዝና ክትስሕትን ክትከፋፈልን ተገይሩ እዩ። ኣብ ክንዲ ብፍቕሪ ምትሕቑቛፍ፥ ንኽስን ጸለመን ዝህንጠዩ ገርህታት መንእሰያት ብምውፋር፥ ንምዝራቡ ዘስደምም ገበን ኣብ ቤተ ክርስቲያን ተፈጺሙ እዩ። ፓትርያርክ ቅዱስ ኣቡነ እንጦንዮስ፡ ሕጋዊ መራሒ ናይታ ፍርቂ ህዝቢ ኤርትራ ዝኽተላ ቤተ ክርትያን ተዋህዶ፡ ብዘይ ሕጊ ካብ መዓርጎም ወሪዶም ኣብ ማሕዩር ካብ ዝኣትዉ ድሮ ሸሞንተ (8) ዓመታት ኮይኑ ኣሎ።

ሎሚ ንጉሆ ዮፍታሄ ይኹን ሃብቶም ዘይተጸበይዎ፥ ኣብ ቤት ጽሕፈቶም ምስ ኣተዉ፥ ጀነራል ኣብርሃ ካሳን፥ ሓላፊ ሃይማኖታዊ ጉዳያት ኮሎኔል ሰመረ በይንን ብምዃን፥ ኣኼባ ከም ዘሎ መጸዋዕታ ኣመሓላሊፎም።

ኣብቲ ጳጳሳት፥ ዮፍታሄን ሃብቶምን ዝተሳተፉሉ፥ ጀነራል ኣብርሃ ካሳ፥ ኣብ መግለጺኡ፥ “ኣብ ውሽጥን ወጻእን ዝርከብ ህዝብና ብሰንክኹም ፋሕፋሕ ኢሉ ገዳማትን ኣድባራትን ብኩሉ ስራሕኩም ጉህዮምን ሓዚኖምን እዮም። ስለዚ ካብዛ ሰዓት እዚኣ ኣብዚ ከባቢ ቤት ጽሕፈት ከይትረኣዩ፥ ዘሎኩም ንብረት ብምዱብ ክሳብ ዝመሓላለፍ ኩሉ ተዓጽዩ ክጸንሕ ኢሎም ናይ ቃል መምርሒ ድሕሪ ምሃብ፥ ነቲ ጉባኤ ዛዚሞሞ።

ጀነራል ኣብርሃ ካሳን ኮሎኔል ሰመረ በይንን፥ ምስ ዮፍታሄ፥ ሃብቶምን ቀሺ ሳሙኤል ጸጋይን ኢድን ጓንትን ኮይኖም፥ ሞባኣን ሃብታን ክብዝብዙን ክዘምትኑ ዝጸንሑ፥ ጊዜን ኩነታትን ምስ ጸንከረ፥ ናይዚ ኩሉ ኣበሳን ገበንን ግዕዘይን ተሰከምቲ ነዞም ክልተ ሰባት በጊዕ ፋሲካ ገይሮም ነብሶም ነጻ ንምውጽእ ዝመሃዝዎ ተንኮል እዩ።

ህዝብና በዚ ክህመል ኣይግባእን፥ እቲ ፖለቲካዊ ሓይሊ ኢዱ ካብ ቤተ ክርስቲያን ክሳብ ዘየውጽአ፥ ነቶም ሕጋዊን ቅዱስን ፓትራይርክ ኣቡነ እንጦንዮስ ኣብ ቦትኦም ክሳብ ዘይመለሰ፥ ነገሩ ወጮ እንተ ገልበጥካዮ ወጮ፥ ስለ ዝኾነ፥ ዮፍታሄ እንተ ኸደ ካልእ ዮፍታሄ ይመጽእ። ዮፍታሄ ግበር ኣኽፍእ ጸይቕ፥ ኣእስር ጭወ ዝተባህሎ ገበረ እምበር ካብ ርእሱ ዝመሃዞ ኣይኮነን።

ህዝቢ ተዋህዶ ግን ናይ ሃማኖትና ግህሰት ክሳብ ዝዕገት ናይ ፓትርያርክና ምድፋርን ማእሰርትን ምዕለቢ ክሳብ ዝርከበሉ፥ እዞም ክልተ መንደዓት ቤተ ክርስቲያን ካብ ዝባና ወሪዶሙላ ማለት ኩሉ ሕማማ ተወጊዱላ ማለት ከም ዘይኮነ ክግንዘብዎ ይግባእ።

Lampedusa – Le telecamere di LiberaEspressione – Lampedusa Tra Cerimonie e Proteste ” Europa Nazista ”
Lampedusa assiste all’ennesima passerella dei politici che da anni solcano quest’ isola ma di fatto gli isolani stanchi affermano di aver visto ben poco di tutte le promesse ricevute. Un giorno che doveva essere di preghiera e di riflessione in occasione del primo anniversario dalla strage del 3 ottobre 2013, nella quale 366
migranti persero la vita si è trasformato in un giorno di programmi politici e contestazioni da parte di alcuni Lampedusani.
Al dibattito promosso dal Comune di Lampedusa e Linosa hanno partecipato i massimi esponenti della politica nazionale e Europea tra cui Laura Boldrini ,Martin Schulz, Maria De Asuncao Esteves, Federica Mogherini Luigi Manconi, Rosario Crocetta ed il sindaco di Lampedusa e Linosa, Giusi Nicolini.

Fortemente contestato Martin Schulz e definito “ Nazista” da Giacomo Sferlazzo componente del collettivo Askavusa “ non siete graditi siete voi i colpevoli” ha gridato Sferlazzo a tutti i politici.
Nonostante non ci siano state emergenze che riguardano l’immigrazione sembra che Lampedusa sia diventato un bel cartello sul mediterraneo dove propagandare le intenzioni politiche nazionali e Europee per quanto concerne l’immigrazione.

I superstiti e i parenti con le vedette della capitaneria di porto, dei carabinieri e della guardia finanza si sono recati sul posto della tragedia per un momento di raccoglimento e di preghiera.
Il Sindaco Nicolini definisce questa visita un momento storico, affinché le isole Pelagie possano esporre ai diretti interessati le varie problematiche che da sempre affliggono le Pelagie e nel contempo salvare i migranti che affollano il mar mediterraneo.

Refugees have been crossing the border between Eritrea and Sudan for more than 40 years.

The UN refugee agency, UNHCR, estimates that northern Sudan houses more than 100,000 Eritrean refugees, but over the years the profile of these migrants has changed.

Those escaping the Eritrean war of independence in the 1960s tended to settle in Sudan, some even gaining Sudanese nationality.

In recent years, however, refugees have increasingly been using Sudan as a transit country before moving north – often as part of the diaspora fleeing North Africa to Europe, with all the dangers involved in crossing the Mediterranean.

Eritrea is not an easy country to get out of. So emigrants often fall prey to the shady world of middlemen, brokers and smugglers making easy money out of people desperate to leave.

In Between the desert and the fire, we explore what continues to drive Eritreans from their own country; the poor conditions they often encounter in refugee camps across the border; and the smuggling and human trafficking surrounding them. We also look at the pressure the Sudanese government and international aid agencies are under in dealing with the problems that arise.