By

ሳሊና ሕድሪ’ያ!

07 ሰነ 2014

ሕድሪ እዝጊ…ሕድሪ ጎሮሮኻ’ኳ ዝበሃል! መንእሰያት’ምበኣር ዘይተኸፍለ ዕዳ ኣለኩም። ኣብ ዝባንኩም ዘሎ ዕዳ ከኣ፡ ዕዳ ሕድሪ ሰማእታት ኤርታራ ኢዩ። ኣለኹም’ዶ? ተረከብቲ ታሪኽን ሃገርን ንስኻትኩም ኢኹም። ኣብዚ ሬድዮ ሕድሪ ሰማእታት ኤርትራ ምዱብ ፈነወ ጀሚራትሉ ዘላ ግዜ፡ ደሃይኩም ኣይተሓባእ! ቀንዲ ዕላማ እዚ ፈነወ እዚ ሃገራዊ፡ ነቲ መመሊሱ ዝሃስስ ዘሎ ታሪኽ፡ ባህላዊን መንነታውን መልክዕና ንምምላስ ኢዩ። ርእሰ መኣዝን እዚ ፈነወ እዚ ድማ ሓደን ቀንድን ንመንእሰያትና ታሪኻዊ ዕጥቂ ንምዕጣቕ ኢዩ። እቲ ምንታይ ናይ ታሪኽ ዕጥቂ ዘይብሉ ጉዕዞ ዝገብሮ ነገር ስለዘይህልዎ! ኤርትራ ብጽጋባታት መንእሰያት ህጣራ ዝነበረት ሃገር ብሳላ ጅግንነትን ተወፋይነትን ደቃ ናጻ ወጺኣ ኢያ።

‘ጨጓር ከልቢስ ኣሎ እናበሉዎ ሞተ’ ከም ዝበሃል፡ ሎሚ ድማ ኤርትራ ኣላ እናበልናያስ ንሞት ርብዒ ጎደል በጺሓ ትርከብ፡ እቲ ኣብ 1991 ዝነበረ ናጻ ምውጻኣ፡ ሎሚ ብሰንኪ ኣዕናዊ ስርዓት ህግደፍ ናብቲ ቅድሚ 1991 ዝነበረቶ ዘመነ እንክሒራ ተመሊሳ ኣላ። ሃገር ካብ ባርነት ናብ ናጽነት፡ ካብ ድሕረት ናብ ምዕባሌ ክትሰጋገርን ናብ ዳሕረዎት ትውልዲ ክትመሓላለፍን ተራ መንእሰያት ኣዝዩ ኣገዳሲ ኢዩ። ኣብዚ ህዝቢ ብመደብ ዝጸንተሉ ዘሎ ግዜ፡ ታሪኽ ናይ ምስግጋር ጋግ ይፍጠር ኣሎ።ድሕሪኡ ከኣ መንነት ናይ ምስግጋር ጋግ ይስዕብ። እዚ ጋግ እዚ ሕጂ ብጸቢቡ ከሎ እንተዘይ ኣስጢምናዮ ድማ መመሊሱ እናገፍሐ ይኸይድ’ሞ፣ ደሓር ናብ ከተላግቦ ዘይትኽእል ዓቢ ቅራር ይቕየር። እቶም ዝስዕቡ ዘለዉ ዳሕረዎት ወለዶታትና ከኣ፣ ናይ ታሪኽን መንነትን ባዶሽ ኮይኖም ይተርፉ።

ጻማ ጀጋኑና ፣ ጻማ’ቶም ካብ ሓምድ እድሪስ ዓዋተ ክሳብ እታ ናይ መወዳእታ ድምጺ ኳሕ-ገም ኣብ ምሕራር ምልእቲ ኤርትራ ዝሓለፉ፤ ጻማ’ቶም ኣብ ሰጣሕ ጎላጉል ሳሊና ምስ ታንኪ ብቴስታ ዝገጠሙ ምዑታትና፤ ጻማ’ቶም ኣብ ኩሉ ግንባራት መስተንክር ዝፈጸሙ ሰብ ቅያ፣ ‘ጽውጽዋይ ወኻርያን በጊዕን ‘ ኮይኑ ክተርፍ’ዩ። ከምኡ ኮይኑ ዝተርፍ እንተኾይኑ ድማ “ጻመውከ ለከንቱ ኤሳው‘’ ማለት’ዩ።

ኣብቲ እምባ መግዛእቲ ብኳዕናኑ ዝነበረሉ ግዜ መንእሰይ እንተዘይብድህን እምቢ ኣይግዛእን ኢሉ እንተዘይዓጥቕን፣ ናጽነት ሕልሚ ምኾነት! ኤርትራ ኩላትና ከም እንፈልጦ ነዚ ብርሃን እዚ ንምርካብ ልዕሊ 65,000 ምሩጻት ደቃ ሞባእ ንናጽነት ከም ዝኸፈለት ኩሉ ዝፈልጦ ሓቂ ኢዩ። እዞም ሰማእታት ሂወቶም ክትሓልፍ ከላ፣ ብድሕሪኦም ሃገር ዝሃንጹ ወለዶታት ከም ዘለዉዎም እናኣመኑ ኢዮም ተሰዊኦም። እምነቶም ኣብ መንእሰያት ረዚን፣ ጠመተኦም ናባኻትኩም ዓቢ ስለዝነበረ ከኣ ንመስዋእቲ ከም ልደት፤ ንቀብሪ ከም ጥምቀት ገይሮም ተቐቢሎሞ።

ኣብ ከምዚ ዘለናሉ ወቕቲ ድማ እቲ ውርሻ ብጽሑፍን ድምጺን ክመሓላለፍን ክትረኽን ይግባእ። ስለዝኾነ ከኣ’ዩ ፈነወ ሬድዮ ሕድሪ ይጽንሓለይ ዘይበሃሎ ዕዮ ኮይኑ ስርሑ ብንኡስ ዓቕሚ ዝጀመረ። መንእሰያት ከኣ ብተሳትፎኦምን ኣለና ብምባሎምን ሓበን ወለዶታት ንምዃን ዝርኣዩሉ ወቕቲ ሎሚ ኢዩ። እቲ ምንታይ ናይ ታሪኽ ሃጓፍ መታን ከይፍጠር’ሞ ናብ መኣዝን ዘይብሉ ኣንፈት ከይንጓዓዝ። መንእሰያት በብዘለዉዎ ከባቢታት ክውደቡን ንሓድሕዶም ክፋለጡን ዝሓለፈ ታሪኽ ኣቦታቶምን ኣያታቶምን ክፈልጡን ዓቢ ሃገራዊ ሓላፍነት ኣለዎም። መዓስ’ከ? ሕጂን ሎሚን።

ሬድዮ ሕድሪ ሰማእታት ካብ ትጅምር ክሳብ ሎሚ ኣብ እግሪ ኢያ ዘላ። ዝኾነ ሃገራዊ መልእኽቲ ዝሓዘለ ጽሑፋ ወይ መደረ፡ ብትግርኛ፡ ብእንግሊዝኛ ወይ ድማ ብዓረብ ንምቕባል ድሉዋት ኣለና። ካብ ዝሓለፉ ታሪኻት ጅግንነት ኤርትራውያን ንመበራበሪ ዝኸውን ፈነወ ይቃልሑ ኣለዉ። እዚ ዝቐርብ ዘሎ ታሪኽ ቃልስን ጅግንነትን ናይ ጎረባብትና ሃገራት ታሪኽ ኣይኮነን። ሃየ መንእሰያት ተራኹምን መንፈስኩምን ዕዙዝ ይኹን። ዋሕዝኹም ናይ በዳህቲ ዋሕዚ’ምበር፣ ናይ ተበትኮ ወሓዚ ኣይኹን። ከም ውሕጅ ክልተ ሩባ ክትሰራሰሩ’ምበር ከምቲ ኣብ ሑጻ ተሰትዩ ዝተርፍ ቅሁም ውሕጅ ክትኮኑ ኣይግባእን።

ንሎሚ ካብቲ ኣብ 1977-78 ኣብ ሳሊና ካብ ዝነበረ ከቢድ ጥምጥም ንእሽቶ ከም መማቕርቲ ከነቕርብ። እዛ ትርእዩዋ ዘለኹም ስእሊ፣ ኣብ 1977 ኣብ ጨው ሳሊና ናይ ዝተሰውአ ሓርበኛ ዜጋ ዓጽሚ ኢያ። ሽዑ ምዝላቕ ምስ ኮነ፣ ሬሳ’ዚ ሓርበኛ ኤርትራዊ ስለ መሬት ተወፍዩ። ከምቲ “እንኮ መዓልቲ’ላ ራህዋ እንረኽበላ” ኢሉ ዝደረፎ ወዲ ትኹል፣ እታ እንኮ መዓልቲ ዓወት ኣብ ሳሊና ተደጊማ። ባጽዕ ብዕለት 10/02/1990 ናጻ ምስ ወጸት ከኣ፣ ዓጽሚ ሓርበኛና ምስ ምልክት ሽዳ ኮራል ባሕሪ ቦቒሉዎስ፡ ኣብ ማዩን መሬቱን ኣዕሪፉ ዝተረኽበ ሓቀኛ ብሮት ጅግና ተረኽበ።

ዝኾነ ነገር ምስ ምንዋሕ ግዜ ይርሳዕ ይኸውን። ግና ገለ ዝኽርታት ፈጺሞም ካብ ኣእምሮ ዘይክወልሉ ግዜ ኣሎ። ኣብ ናትና ታሪኽ ክርሳዕ ዘይግብኦ ድማ ሰንሰለት ኣመጻጽኣ ብረታዊ ቃልስናን ኣረካኽባ ዓወትናን ኢዩ። ንሕና ከም ደቂ ኤርትራ ነቲ ዝሓለፈ ምረት ቃልስናን ኣመጻጽኣ ናጽነትናን እንተረሲዕና ግን ጉዕዞና፣ ጉዕዞ ናይቶም ኣፎም ተኣሲሩ ኣብ ዓውዲ መኸዳ ዝውዕሉ ቁሩናት ኣብዑር ክኸውን ኢዩ። እቲ ዝነበረ ከም ዘይነበረ ክመስል “ እምበር’ዶ ክሓልፍ’ዩ” ዝበሃለሉ ዝነበረ ገጻብ ጭንቂ ምስ ተዓዝረ “ሓሊፉ…ሓሊፉ” ጥራይ ኢልካ ምጥቓዕ ከንቱ-ውእቱ ኢዩ።

ኣብ 1977 ገለ ክፋል ከተማ ባጽዕ ናጻ ወጺኡ፣ ንዝተረፈ ክፋል ናይታ ከተማ ተቖጻጺርካ ናብቲ ሎሚ’ዶ ጽባሕ ናጽነት ዝበሃለሉ ዝነበረ ጉዕዞ መወዳእታ ቃልሲ ንምጽጋዕ፤ ካብ እንዳ ሚኪኤልን ሲነማ ኣይዳን ንቀጣን ገበይ ስጋለት ንምስጋር፣ መጥቃዕቲ ሳሊና ተኸፍተ። መንእሰይ ተጋዳላይ ናብቲ መኸወሊ ዘይነበሮ በራሕ ጎላጉል ሰምሃር ንዓርኪ ሕልፎት ከም ዝወርዱ ጎርዞ ጊላዋ እናዘለለን እናዓለለን ኣትዩ። ሙሉእ ህዝቢ ኤርትራ ምረት ነዊሕዎ፣ መነባብሮ ከፊኡዎ ስለዝነበረ ኢዩ ድማ ኣብ ሓጺር ግዜ ዝተኸፍለ መስዋእቲ ይከፈል ክንድቕደቕ ኣሎና ብምባል ንግሆን ምሸትን “ ህጁም” መሪጹ ጅግና። ብሳንጃ ኣብ ዝኾዓቶ ጉድጓድ ፣ ብታሕቲ ጠሊ ጨው ሳሊና፣ ብላዕሊ’ውን ኣብ ዕንጸይቲ ሰራው ከም ዝተሰኽተተት ሞቕሎ እትመስል ጸሓይ ተለብሊቡ ኤርትራዊ ተጋዳላይ።

ብዘይ ዕረፍቲን መብረን ብጥሙይ ከብድን ጽሙእ ጎረሮን ተተፍኒኑ። ኣብ ጉድጓድ ከም ወኻርያ ተቐቢሩ ንሽንቱ ኣብ ታኒካ እናኾፈ፤ ነቲ ከም ማይ ኣይሂ ካብ ጸላኢ ዝትኮስ ዝነበረ መዳፍዕን ኣድራጋ ጠያይትን ከም ዕጨ-እምኒ ነቀይ ከይበለ ኣብ ዝባኑ ኣዝሒሉዎ። ለይቲ ክታኾስ ይሓድር፣ ቀትሪ ክድብደብ ይውዕል። እቲ ስግንጢር መመሊሱ ድኣ ተሰገንጠረ’ምበር ፍታሕሲ ኣይተረኽበን። እቲ ግጥም ከኣ፣ ኣደራራስ ብቦምባን ፋሉልን ኮነ።

ቀጣን ገበይ ስጋለት ብቐሊሉ ትስገር ኣይነበረትን። ጸላኢ ንኹሉ ሻንብቆ ኣጽዋራቱ ናብታ ሓንቲ መስገሪት ኣቕንዖ። ናብ ኣፍ ደገ ስጋለት ቀጣን። እወ … ወይዛ ስጋለት ሎሚ ኣፍ ኣውጺኣ እንተትዛረብስ እንታይ’ኮን ምሰማዕና! ጸሓይ ንረሃጽ ጥራይ ዘይኮነስ እንተላይ ንኣንጉዕ ሰባት ወወሲዳ ንብዙሓት መንእሰየት ደቂ ኤረይ ብ “ኮልቦ ዲ ሶሎ” (ወቕዒ ጸሓይ) ኣንቀጸቶም።

ብመሬት ካብ ውሽጢ ባጽዕ ፣ብባሕሪ ካብ መራኽብ ኲናት፣ ብሰማይ ድማ ካብ ዕስለ ነፈርቲ ሚጋት ስራሓት ሶቭየት ዝትኮስ ዝተፈላለየ ዓይነት ኣጽዋር ንጎላጉል ሳሊና ናብ እሳተ- ጎመራ ቀይሩዎ ነበረ። ሓጻውን ንሓድሕዱ ምስ ተገጫጨበ ካብቲ መላጥ ጎልጎል ሃልሃልታ ናብ ሰማይ ይዓርግ ነይሩ እንተተባህለ ምግናን ይመስል! ደም ደቃ ከኣ ነቲ ዝነድድ ዝነበረ ሃልሃልታ ከም ማይ ቢምቦረ ኮይኑ ይርብርቦ ነበረ።

መንእሰይ እታ ዝኣምና መሬቱ መዕቆቢ ከልኣቶ። ነቲ ካብ ታንክታትን ካብ ናይ 76፣ 81- 82 104፣ 120፣ 122 ሚ.ሜ. መዳፍዓትን ሞርታራትን ዝትኮስ ዝነበረ ቦምባታት ብዘይካ ብቴስታ ምስ ሓጺን ምግጫው ካልእ ምርጫ ኣይነበሮን። እቲ ክስገር ዝነበሮ ወተሃደራዊ ምዕራፍ ክስገር ኣይተኻእለን። ተጻብኦ ሓይሉ። መስዋእቲ ከኣ ኣዝዩ በዝሐ። ኣብ ርእሲ እዚ ጸላኢ ንጎላጉል ሳሊና ማይ ባሕሪ ይፍንወሉ ስለዝነበረ፣ ተጋዳላይ ሙሉእ ሰብነቱ ኣብ ማይ ባድ ኮይኑ ከም ሳብ ማሪን ክዋጋእ ኣይከኣለን። ማይ ባሕሪ ብፍላይ ድማ ጋብላታት ሳሊና፣ ብደም ተጋዳላይ ተበለለ።

ሕብሪ እቲ ማይ ቀይሕን ሓበጀራዋይን ኮነ። ውጉኣት በቲ ጨው በቲ ድማ ኮልቦ ዲ ሶሎ ቀጥቀጦም። ግና “ዓወት ንሓፋሽ” እናበሉ ክስውኡ ይስምዑ። እወ “ ዓወት ንሓፋሽ!” እዚ ጭርሖ ተጋዳላይ መንእሰይ’ዚ ከምቲ ቅዱስ ዳዊት ኣብ መዝሙር 89፣ 1-2 “ ማያት ክሳዕ ነፍሰይ በጺሑ ኢዩ’ሞ ዎ ኣምላኽ ኣድሕነኒ… ናብቲ መርገጺ ዘይብሉ ዓሚቑ ሰልሚ ሰጢመ” ዝበሎ ይመሳሰል። ድሕነት ተጋዳላይ ከኣ ዓወት ህዝቡ ምዃኑ ስለዝኣመነስ “ዓወት ንሓፋሽ” ኢሉ ተሰዊኡ። ግጥም ተጋዳላይ ብንእሽቶ ዓቕሚ ምስ ዓቢ ጸላኢ ክነጻጸር ከሎ፤ ንውግእ ዳዊትን ጎልያድን ኢዩ ዝመሳሰል።

ኩሉ ነገር ጸበበ። መሬት ብገፋሓ ክነሳ ከም ዓይኒ መርፍእ ጸበበት። ኣብ ሳሊና ካብ ምጥቃዕን ምክልኻልን ፤ ምዝላቕ ተመርጸ። መንእሰይ ከም ቆጽሊ ገረብ ቀውዒ ረገፈ። ስለዚ እቲ ሓደ ኣማራጺ ‘ዝሓዝካ ሒዝካ ኣርክብ’ ኮነ። ምረት ውግእ ሳሊና ብጽሑፍ፣ ብደርፊን ግጥሚን ክግለጽ ተፈቲኑ’ኳ እንተኾነ፤ ጭልፋ ካብ ማይ ባሕሪ ኢዩ። ንገዛእ ርእሱ’ውን ምረት ጨው ሳሊና ከእምና ዘጸግሞ ዝነበረ መንእሰይ ተጋዳላይ፣ “ድሕሪ ሎሚ …” ኣይበለን። ስኑ ነኺሱን እጅገኡ ሰብሲቡን ድኣ ንቕድሚት መረሸ።

እነሆ’ምበኣር ዓጽሙን ሽድኡን ኣብቲ ጨው ጸኒሑ። እታ ባሕሪ ዋናታታ ስለ እተለሊ፣ ነቲ ዓጽምን ሽዳን ናብ ጸላእቲ ኣየረከበቶን። ከመይ ገይራ ከተረክቦ? ዋንኣ ተመሊሱ ከም ዝመጻ ኣረጋጊጻ ስለዝነበረት። ናይ መን ዓጽሚ’ኾን ይኸውን! መን ይፈልጥ ናይ ወድኻ…ጓልካ፣ ወድኺ…ጓልኪ፣ ሓውካ…ሓብትኻ፣ ሓውኺ…ሓብትኺ ፤ ናይ ሕጹይኪ ሰብኣይኪ… ሕጽይትኻ ሰበይትኻ፣ መማህርትኺ… መማህርትኻ፤ መምህርካ መምህርኪ… እንተኾነ’ኸ መንይፈልጥ…!

ዓወት ንህዝቢ ኤርትራ

ሞት ክናና ንኢሳይያስ!

ፍትሒ፡ ኣብ ሰሰለስተ ወርሒ እትሕተም መጽሔት ልሳን ማሕበር ኤርትራውያን ንፍትሒ ኣብ ኢንድያናፖሊስን ከባቢኣን እያ።

ዲሞክራሲ ኣብ ዘይሃለወሉ ሃገር ፍትሒ ክረጋገጽ ስለ ዘይከኣል ንፍትሒ ምቅላስ ማለት ንዲሞክራሲ ምቅላስ ምዃኑ ስነ-ሞጎታዊ ሓቂ ኢዩ። ንዲሞክራሲ ምቅላስ ክበሃል ከሎ ንህዝባዊ ስልጣን ምቅላስ ማለትእዩ። ማዕርነታዊ መሰልን፡ ግቡእን፡ ዜጋታት ኣብ ቅዋማዊ ሕጊ ምስ ዝኽበሩን ምስ ዝስርሓሎምን፡ ፍትሒ ኣሎ ክበሃልይ ከኣል። ፍትሒ ውጽኢት ዲሞክራሲ ካብ ኮነት፡ ብቀዳምነት ዲሞክራሲ ክህሉ ከኣ ልዑላውነት ሃገርን ሓድነት ህዝብን ክሕሎን፡ ክረጋገጽን የድሊ። ሓድነት ህዝቢ ከም ኣምር ምጭራሕ ዘይኮነ፡ ንሓድነት ህዝቢ ውሕስና ዝኸውን ፍትሕን ማዕርነትን ምስ ዝረጋገጽ እዩ። ፍትሕን ማዕርነትን ኣብ ዝተረጋገጸሉ ሃገር ሰላም ይሰፍን። ሰላም ኣብ ዝሰፈነሉ ከኣ፡ ህዝቢ ጸጋታቶም ብግቡእ ክጥቀመሉ ማዕጾ ስለ ዝኽፈት ቁጠባዊ ምዕባሌ ክረጋገጽ ይኽእል።

PDF: ምሉእ ትሕስቶ…

حلقة خاصة تضامنية مع الفنان الاريتري المعتقل ادريس محمد علي

GENEVA (Reuters) – Eritrea is running a forced labor program that is spawning human rights violations and fuelling a refugee exodus, according to a report that will be debated next month at the U.N. Human Rights Council.

Sheila B. Keetharuth, an independent investigator who is the U.N. ”special rapporteur” on human rights in Eritrea, wrote that torture, sexual violence and extra-judicial killings ”continue unabated” in the Horn of Africa country.

Her report said that fear and experience of national service – an indefinite conscription that amounts to forced labor – were prompting many people to flee the country.

”The military police carries out routine conscription round-ups, known as ’giffas’, in homes, workplaces, the street or other public places, with the aim of rounding up persons considered fit to serve, draft evaders and those who escaped from national service; including minors,” the report said.

”Opposing such a round-up can lead to on-the-spot execution, as deadly force is permitted against those resisting or attempting to flee,” it added. The Human Rights Council will debate the findings in Geneva on June 16.

The U.N. refugee agency UNHCR estimates that 2,000 people of Eritrea’s 6 million population are fleeing every month, the report said, and their relatives are forced to pay fines of 50,000 nafka (about $3,350) for each family member who has left.

Most Eritreans cannot afford such a sum, so a family member may be detained until the money is paid, or business licenses or property may be confiscated, the report said.

Eritreans are the most numerous among those attempting the risky crossing from North Africa to Europe by boat, a trip that has killed hundreds so far this year.

The government began its program of national service in 1995 but it has turned into an indefinite conscription, the report said. Many people are put to work in reforestation, soil and water conservation and reconstruction.

Eritrea dismisses charges of rights abuses and says it has indefinite military service due to a festering border dispute with Ethiopia.

Keetharuth’s report said draft evaders and deserters ”face heavy punishment, including lengthy periods of detention, torture and other forms of inhumane treatment.” Many women who are drafted are raped by army commanders, or punished for resisting.

Keetharuth asked to visit Eritrea for her investigation, but was refused entry. She collected evidence from Eritrean refugees in four countries and plans to visit three more.

(Reporting by Tom Miles, editing by Alister Doyle)

ክትስኤ! ገና!

ምናልባት ንወረ ኢልካ ትድርብየኒ ትኸውን
በቲ መሪር ሓሶትካን፡ ጥዉይዋይ ተግባርካን
ኣብ ጭቓ ትረግጸኒ፡ ኣብ መሬት ትድህኸኒ
እንተኾነ! ኣነ ከም ዶሮና! ተንሲኤ ይበንን!!

ትብዓተይ! ድርቅንቅይ! የጉህየካዶ?
ኣጠማምታኻ ስለምንታይ? ጸላም ይእጉዶ?
ምኽንያቱ! ኣካይዳይ ኮይኑካ ወናኒት ዘይቲ ማእዶ
ምድሪ ቤተይ ጃሕጃሕ ክብል ይረኣየካዶ!!!
ከም ወርሕን፡ ጸሓይን
ብእምነተይ ተዓጻጻፋይን
ብተስፋ ይእምት ይልክዕ ንላዕላይን
ክትስኤ ገና!

ትደሊ ትኸውን ክትርኤኒ ክሰባበር
ርእሰይውን ከድንን፡ ኣዒንተይ ክቑርቖር
እንግደዓይ ክጉንብስ፡ ንታሕቲ ክዉርወር
መንፈሰይ ክዳኸም፡ ናብ ንብዓት ክቕየር

ጸብለል ብምባለይ ጻዕረሞት ኮይንኳ
ዝገብሮ ዝኾነ ዓቕሊ ኣጽበበልካ
እምብዛ ብምስሓቐይ ንዓኻ ረበጸካ
ኣብ ገደናይ ወርቂ ክኮዓት ተራእየካ
ናይ ቃላትካ ተኹሲ በርትዓኒ
ኣጠማምታኻ ከም ካራ ይመታትረኒ
መሪርር ጽልእኻ ይቐዝፈኒ
እንተኾነ ገዳ! ከም ንፋስ ኣተንሲኡ የዕርገኒ!!!

ቁንጅናይ ኮነ! ብጽሕናይ የወናውነካዶ?
ሃንደበት ብምምጻኡ ይገርመካዶ?
ኣሳዓስዓይ ኣልማዝ ዝተሰለምት ክሳዳ ቆሎ
ሰለፍና ክራኸብ ክወዛወዝ ክልሎ

ክትስኤ ገና!
ልዕል ክብልየ ካብቲ ዝሓለፈ ሰራዉሩ ቃንዛ!!!!!
ክትስኤ ገና!!
ጸላም ውቅያኖስ በሕሪ እየ! ዝልዕል ዝሰፍሕ
ተቓሊሰ! ዝምንጉድ፡ንኹሉ ዘርብሕ
ድቕድቕ ጸላም ገዲፈዮ! ንድሕሪት ዘፍርሕ
ጭካነን፡ መከራን እቲ ኩሉ ዘስካሕክሕ
ክትስኤ ገና!
ናይ ብርሃን መዓልቲ ዝድነቕ ዕረፍቲ
ክትስኤ ገና!
ክመልሶ እየ! ብወለድይ ዝተኸፍለ ብጉልበት!!!
ኣነ እየ!! ሕልምን፡ ተስፋን፡ ጓል ባርነት!!!!!!!!!!!!!!
ክትስኤ ገና!!!
ክትስኤ ገና!!!
ክትስኤ ገና!!!

ብነብ ሲሄ ማያ ኣንጀሎ ዝተገጥመ
ነፍ ስሄር ፕረሲደንት ማንደላ ኣብ ጽምብሉ ዘንበቦ፡
ብሰላም ዕረፊ
ለባም፡ መምህር፡ተቓላሲት፡ ባዕላ ዝተማህረት፡ ደራሲት፡ ገጣሚት፡ደራፊት፡
ልዕሊ 30 ናይ ክብሪ ዶክተርነት ዝተሰለመት፡ 36 መጻሕፍቲ ዝጸሓፈት፡ ኣደ ዉጹዓት ዝነበረት ዜጋ እያ።

ተርጓሚ
ሃይለ ገብረትንሳኤ
ኢንድያናፖሊስ ኢንድያና 30 ግንቦት 2014
ኣብ ኣተርጉማ ሓላፍ ዘላፍ ክህሉ ስለ ዝኽእል ኪእላታት ክእርሙ ይላቦ።