ዜና ዕረፍቲ

 ዜና ዕረፍቲ
                                    ረድኢ መሓሪ /ኣለና/    27-03-2014  

         ሰብ ኣብዛ እንነብረላ ዘለና ዓለም ጋሻ እምበር ነባሪ ኣይኮነን። ብካልእ ኣበሃህላ፡ ዓለም ገዛ ክራይ ኢያ ይበሃል ኢዩ። ሓቂ ኢዩ! ወዲ ሰብ ካብዛ ዓለም ቅድሚ ምፍናዉ ግን ኣብ ጉዕዞ ሂወቱ እንታይ ኣበርኪቱ ዝብል ሕቶ ኣሎ። ቀጺሉ እውን ሓድጊ ገዲፉ ዶ ይበሃል ኢዩ። ከም ስዉእ ኣሕመድ ወርቃዊ ታሪኽ ዝነበሮም ኣብ ዘዕርፍሉ ግዜ ከኣ፡ ሓበን እምበር ብኽያት ኣይመድለየን።

       መስዋእቲ ክቡር ተቓላሳይ ኣሕመድ ናስር  ዕለት 26 መጋቢት 2014 ሰሚዕና። ናብቲ ዝተበገሰሉ ዕላማ ቅድሚ ምብጽሑ ብምስዉኡ ከኣ ጉሂናን ሓዚንናን። ተጋዳላይ ኣሕመድ ናስር ሙሉእ ዕድመኡ ንናጽነትን ሓርነትን ህዝቡን ሃገሩን ዝተቓለሰ ሓርበኛ ኢዩ። ኣብ ታሪኽ ኤርትራውያን ከም ኣሕመድ ናስር ሙሉእ ሂወቶም ንቃልሲ ዝወፈዩ ዜጋታት ውሑዳት ኢዮም። ንታሪኹን መዝገብ መንገዱን ዝቕይሮ ሰብ ድማ የለን።

        ምስ ክቡር ተጋዳላይ ኣሕመድ፡ ንክራኸብን ብዛዕባ ጉዳይ መንገድና ንክዘራረብን ብዙሕ ሃረርታ ነይሩኒ ኢዩ። ክልተ ግዜ ብስልኪ ከም ዝተራኸብና እዝክር። ደሓር ድማ ኣብቲ ኣብ ከተማ ስቶክሆልም ዝተገብረ ናይ መንእሰያት ዋዕላ፣ ብኣካል ተራኺብናን ብዛዕባ ሃገራዊ ጉዳይና እውን ተመያይጥና ኔርና ኢና። ስዉእ ኣሕመድ ኣዝዩ ምቕሉልን ዘይሕለል ኤርትራዊ ከም ዝነበረን እምስክር።

       ሰብ ኣብ ዓለም ነባሪ ኣይኮነን፡ ግን ከም ኣሕመድ ናስር ዝኣመሰሉ ገዳይም ተቓለስቲ ስለ እቲ ዝተጋደሉሉ ዕላማ፡ ፍረ ጻዕሮም ክርእዩን ሞሳ ክቕበሉን ምተገብአ። ሎሚ ውን ከም ኣሕመድ ዝኣመሰሉን ዝኣመሰልናን ካብታ ንሙሉእ ሂወትና ዝተቓለስናላን እንፈትዋን ክብርቲ ኤርትራ ርሒቕና ከይንስዋእን ኣብ ዘይንፈልጦ ሓመድ ከይንቕበርን ካብ ኣውራጃን ሃይማኖትን ከምኡ እውን ውድባዊን ሰልፋዊን ፍልልያትና ኣወጊድና ብሓደ ንክንሰርሕ  ግዜ የዘኻኽረና ኣሎ።

       ክቡር ተጋዳላይ ኣሕመድ ናስር በቲ ዝነበሮ ናይ ቃልሲ ጉዕዞ፡ ንገዛእ ርእሱ ቤተ መዘክር እምበር ውልቀ-ሰብ ጥራይ ኣይነበረን። ስለዚ ከም ኣሕመድ ናስር ዝኣመሰሉ ዜጋታትና ኣብ ዘዕርፉሉ ግዜ፡ እቲ ታሪኽ ቃልሲ ንናጽነትን ሓርነትን ምስኣቶም ከይቅበር፡ ኩላቶም ጸሓፍቲን ናይ ታሪኽ ተመራመርቲን ክስንድዎ ይግባእ።

       ንኣሕመድ ናስር መንግስተ ሰማያት የዋርሶ፣ መቓብሩ ይለምልም! ኣሰሩ ይጥለል!!
               ንስድራ ቤቱን ኩላቶም መቓልስቱን ድማ ረቢ ጽንዓት ይሃቦም።

 

 

 

መግለጺ ሓዘን – (ኤስደለ)

መግለጺ ሓዘን

ፈጻሚ ኣካል ኤርትራዊ ስምረት ንደሞክራስያዊ ለውጢ (ኤስደለ) ብስም መላእ መሪሕነቱን መሰረታቱን ብ26 መጋቢት 2014 ብዝጋጠመ ሃንደበታዊ መስዋእቲ ተጋ/ኣሕመድ መሓመድ ናስር ዝተሰመዖ መሪር ሓዘን የገልጽ።

ስውእ ተጋ/ኣሕመድ መሓመድ ናስር ኣብ ዕሸል ዕድሚኡ ምእንቲ ነጻነትን ሓርነትን ህዝቢ ኤርትራ፡ ኣብ ተሓኤ ተሰሊፉ፡ ኣብ ዝተፈላለየ ጽፍሕታት ኮይኑ ዝተጋደለ፡ ዘጋደለን ዝመርሐን ልሉይ ሃገራዊ ባእታ’ዩ ነይሩ። ብድሕሪ ነጻነት’ውን እንተኾነ ህግደፍ ንኩሉ’ቲ ዕላማታት ሰውራ ጨውዩ ገባትን ዲክታቶያውን ስርዓት ምስ ሃነጸ፡ ነቲ ኣብ ልዕሊ ህዝቢ ኤርትራ ዘብጽሕ ዘሎ መወዳድርቲ ዘይብሉ ኣደራዕ፡ ኢ-ሰብኣዊ ግፍዕታት፡ ግህሰታት፡ ነጺጉ ደኺመ ከይበለ ውሕስነት መሰልን ማዕርነትን ኩሎም  ዜጋታት ተረጋግጽ ደሞክራስያዊትን ፍትሓዊትን ኤርትራ ንምህናጽ ኣብ ዝካየድ ዘሎ ቃልሲ ብዘይዝኾነ ተጉላባነት እናተቃለሰ’ዩ ካብዚ ዓለም ብሃንደበታዊ መስዋእቲ ተፈልዩ ዘሎ። መስዋእቲ ተጋ/ ኣሕመድ መሓመድ ናስር፡ ንቤተ-ሰቡን ንፍትሓዊ ቃልሲ ህዝቢ ኤርትራን ዓቢ ክሳራ’ዩ።

ስውእ ተጋ/ ኣሕመድ መሓመድ ናስር፡ ምሉእ ዕድሚኡን ንእስነቱን ምእንቲ ህዝብን ሃገርን ኤርትራ ተቓሊሱ ከብቕዕ፡ ብስንኪ’ቲ ኣግላሊ ዝኾነ ፖሊስታት ገባቲ ስርዓት ህግደፍ ሓንቲ መዓልቲ ኣየር ዓዱ ከየስተንፈሰ ካብዚ ዓለም ብመስዋእቲ ምፍላዩ፡ ሕጂ’ውን እንተኾነ ኣብ ገዛእ ሃገሩ፡ ብኩሎም ቤተ ሰቡ፡ መቓልስቱን ፈተውቱን ብክብሪ ተሰንዩ ንቡር ስነ-ስርዓት ቀብሪ ብምስኣኑ፡ ፈጻሚ ኣካል ኤርትራዊ ስምረት ንደሞክራስያዊ ለውጢ (ኤስደለ) ደጊሙ ዝስምዖ መሪር ጓሂ ይገልጽ።

ተጋ/ኣሕመድ መሓመድ ናስር መንግስተ ሰማይ ክወርስ፡ ኩሎም ቤተ-ሰቡ፡ መቓልስቱን ፈተውቱን ድማ ጽንዓት ክረኽቡ ድማ ይምነ።    

ፈጻሚ ኣካል
ኤርትራዊ ስምረት ንደሞክራስያዊ ለውጢ (ኤስደለ)
27 መጋቢት 2014

 

 

Europe-Africa Summit : Eritrea and Sahara Occ , new controversy and threats of boycott

The Council of the African Union Peace and Security would invite the Heads of State and Government of the countries of the continent to boycott the summit between the European Union and Africa expected next week in Brussels , in protest against what is considered ” imposition ” of the EU who can participate or not in the meeting.

To say it was the Minister of Foreign Affairs of Zimbabwe, Simbarashe Mumbengegwi , in an interview with the pro-government newspaper in Harare ’ The Herald ’ .

According Mumbengegwi , the Council for Peace and Security would adopt this resolution following the EU ban on the participation of Eritrea and the failure to call the Saharawi Democratic Arab Republic , both full members of the AU.

The report of the Council for Peace and Security also emphasizes also the failure to invite Sudanese President Omar al-Bashir , although it points out that the Government of Sudan has been invited to participate in the summit to be held the next 2 and 3 April .

In recent days, the president of Zimbabwe, Robert Mugabe, had invited the heads of state and government of the other African countries not to attend the summit due to the failure to grant an entry visa to Belgium with his wife Grace Mugabe ’s address as same as a European ban on travel imposed in 2002. Mugabe has however been temporarily exempted from the ban just to attend the summit in Brussels . The demand for Mugabe to attend the summit was also his wife , however, was rejected by the head of the EU mission in Zimbabwe , Aldo Dell’Ariccia , who had declared as the only establishment figures had received an invitation from Brussels.

 

 

 

2 INVESTIGATES: Family searches for answers two years after mother’s arrest in Eritrea

2 INVESTIGATES: Family searches for answers two years after mother’s arrest in Eritrea

 

ቅሉዕን ምስጢራውን ዜናታት ደንበ ህግደፍ

ቅሉዕን ምስጢራውን ዜናታት ደንበ ህግደፍ

ምንጭታት ኤርትራዊ ስምረት ንደሞክራስያዊ ለውጢ (ኤስደለ)

  1. ካብ ወርሒ የካቲት 2014 ንደሓር ዘሎ እዋን ዋሕዚ ስደት ኤርትራውያን ዜጋታት ካብቲ ብ2013 ዝነበረ ብዕጽፊ እናወሰኸ ምምጽኡ፡ ኣብ መደበር ስደተኛታት ሸገራብ ዝርከቡ ሰራሕተኛታት UNCHR የረጋግጹ። ኣብ ሰሙን ካብ 150 ክሳብ 200 ዝኾኑ፡ 86 ደቂ-ኣንስትዮን ዓበይቲ ዓድን ዘጠቓለለ ክኸውን ከሎ፡ 14 ትሕቲ ዕድመ ህጻናት፡ እቶም ዝተረፉ ድማ ተረኸብቲ ሃገር ክኾኑ ዝኽእሉ መንእስያት ምዃኖም ይገልጹ። ብኢትዮጵያ’ውን ብተመሳሳሊ ናህሪ ስደት ካብቲ ዝነበሮ እናዛየደ ምምጽኡ ይሕበር። ኣብዚ ህሞት’ዚ ንዋሕዚ ስደት ክወስኽ ዘገደደ ምክንያት ከኣ፡ ገባቲ ኢሳይያስ ብ09 የካቲት 2014 ዘካየዶ ናይ ኣሽካዕላል ቃለ-መሕትት ምዃኑ ብርክት ዝበሉ ካብቶም ንስደት ዝውሕዙ ዘለው መንእስያት ይገልጹ። ገባቲ ስርዓት ህግደፍ ምንጪ ኩሉ-መዳያዊ ጸገማት ኤርትራን ስደትን ኮይኑ፡ ህዝብን ሃገርን እናበተነ ከሎ፡ ኣብ ዝተፈላለየ ጽፍሕታት ዝርከቡ ብርክት ዝበሉ ሓለፍቲ ናይቲ መንግስቲ ብዘይተኣደነ ዶሎራት ኣብ ምስግጋር ደቂ-ሰባት ተዋፊሮም ከለዉ፡   ኢሳይያስ ብተደጋጋሚ ብጎረባብቲ ወይ ብሃገራት ምዕራብ ዝካየድ ዘሎ ሸርሕታት ኣምሲሉ ዝቕርቦ ፈተነታት ከንቱ ምዃኑ የረጋግጹ። ብካልእ መዳይ ድማ ንመንእስያት ብግለት፡ ሓተላ፡ ክልተ ጻሕሊ ዝለመዱ…………..ወዘተ ዝብል ናይ ጸለመ ኣስማትን ዘለፋታትን ክልጥፍ ብድሕሪ ምጽንሑ፡ ሕጂ’ውን ካብቲ ሕሉፍ ዘይእርኑብ ኣንደበቱ ፍጹም ከይተማህረ፡ እዚኣቶም ነቲ ብነጻ ዘምሃሮም ህዝብን መንግስትን ካሕሳ ከይከፍሉ ዝሃድሙ ዘለው ሰረቕቲ’ዮም፡ ሃልዮም ኣይሃልዮም ድማ ቅንጣብ ዝጎድል ነገርየለን ብምባል ዝሃቦ ዘይሓላፍነታዊ መግለጺ ብርቱዕ ቁጠዐ ከም ዝፈጠረሎም ይሕብሩ። 
  2. ገባቲ ስርዓት ህግደፍ ብርክት ዝበሉ ሓይልታት ሰራዊት ኣብ ከባቢ ከርከበት፡ ሂንቦል፡ ኣዶቦሓ፡ ይእኽቦም ምህላው ተገሊጹ። ዕላማ ናይዚ ተርእዮ’ዚ ክሳብ ሕጂ ንምንታይ ምዃኑ’ኳ ክፍለጥ  እንተዘይተካእለ፡ ገባቲ ስርዓት ህግደፍ ጽቡቕ ዝምድናታት ኣለና ብዝብል እናገዓረ ከሎ፡ ኩሉ ግዜ ብቃጻ ኲናትን ወራርን ምክያድ ኣመሉ ስለ ዝኾነ ብወገን ሱዳን ገለ ዝሓስቦ ክፋእን ሸርሕታትን ከይህሉ ይግመት። 
  3. ኣብ ዝተፈላለየ ጽፍሕታት ብዝርከቡ ሓለፍቲ ገባቲ ስርዓት ህግደፍ ግቦ፡ ስርቕን ምጥፍፋእን ካብቲ ዝነበሮ ብዝኸፍአ መልክዑ እናሳዕረረ ምምጽኡ ተገሊጹ። ብሰንኪ’ዚ ኣብ ላዕለዋይ ይኹን ታሕታዋይ ሓላፍነት ናይቲ ስርዓት ዝርከቡ ብብዝሒ ይእሰሩ ምህላዎም ድማ ተሓቢሩ። ብፍላይ ሃለኽቲ ኣቁሑት፡ ሽኮር፡ እኽሊ፡ ነዳዲ፡ መሳሊ ኣጠፋፊእኩም ዝተባህሉ ሓለፍቲ ናይቲ ስርዓት፡ ኣብ ዝሓለፈ ወርሒ የካቲት 2014 ካብ ንኡስ ዞባታት ኣዲበራን ተመራትን ከምኡ’ውን ካብ ዓዲ ሓረት ሓምድን ጉልጅን ዝተወስዱ ኣብ ከተማ ተሰነይ ተኣሲሮም ብርቱዕ ምርመራታት ይካየደሎም ምህላዉ ተገሊጹ። 
  4. ዓሊ ኣልኣሚን ዝተባህለ ተወላዲ ብሄረ ናራ ኣብ ከባቢ ሞጎራይብን ባረንቱን ካብ ቅድሚ ነጻነት ጀሚሩ ከም ጸጥታን ኩትሻ እዝንን መርበብ ስለያ ህግደፍ ኮይኑ ዝሰርሕ ዝነበረ፡ ወርቂ ዘሚቱ ተባሂሉ ኣብ ተሰነይ ቅድሚ ሸሞንተ ወርሒ ተኣሲሩ ኣብ ዝነበረሉ እዋን ብዝወረዶ ኣሰቓቒ መገርፍትን ከቢድ መጎዳእትን ክሳቐ ብድሕሪ ምጽንሑ ብ08 መጋቢት 2014 ካብዚ ዓለም ብሞት ምፍላዩ፡ ቀረባ ቤተ-ሰቡ ሓቢሮም። ብተመሳሳሊ’ውን ሓላፊ ጸጥታ ንኡስ ዞባ ሞጎራይብ ዝነበረ ዓሊ ለሎ ዝተባህለ 12 ኪሎ ወርቂ ዘሚቱ ተባሂሉ ኣብ ቀይዲ ኣትዩ ምህላዉ ተገሊጹ። 
  5. ኣብ መዛዘሚ ወርሒ የካቲት 2014 ኣብ ሰሜን ሃይኮታ ፍሉይ ቦታ ሸካት፡ ኣብ ምብራቕ ባልቃይት ሃማ ዝተባህለ መዓስከራት ብዝተፈነወ መጥቓዕቲ ቦንባ ሓደ ላዕለዋይ ሓላፊ ዝርከቦም ሓሙሸተ ወተሃደራት ገባቲ ስርዓት ህግደፍ ከም ዝሞቱ ተሓቢሩ። ከምኡ’ውን ብተመሳሳሊ ኣብ ፎርቶ ሳዋ ብ13 መጋቢት 2014 ብሓደ ዋርድያ ዝተካየደ ሃንደበታዊ ቶኩሲ ካብ ሃገራዊ ኣገልግሎት ሓደ ሓላፊ ዝርከቦም ትሸዓተ ከም ዝመቱ፡ 15 ድማ ብከቢድ ከም ዝቆሰሉ ተገሊጹ። እቲ ቶኩሲ ዝፈነወ ዋርድያ ነብሰ-ቅትለት ምፍጻሙ ተገሊጹ። ምክንያት ናይዚ ተርእዮ’ዚ ብስጭትን ዓቕሊ ጽበትን ዝወለዶ ክኸውን ከም ዝኽእል ይግመት። ብገባቲ ስርዓት ህግደፍ ንነዊሕ እዋን ካብ ስድራ ቤቶም ተፈልዮም ማሕበራዊ መነባብርኦም ክዘናበለ ዝተገደዱ ኣባላት ሰራዊት፡ ከምኡ’ውን ካብቲ ስርዓት ፍጹም ተስፋ ዝቆረጹ፡ ላዕለዎት ሓለፍትን ኣካላት መንግስትን ህግደፍ፡ ነብሰ ቅትለት ዝፍጽሙሉ ኩነታት እናገነነ ምምጽኡ ይፍለጥ። 
  6. ብ26 የካቲት 2014 ሜጀር ጀነራል ተኽለ ማንጆስ ምስ ሓደ ካብ ሓለፍቲ ተቓውምቲ ኢትዮጵያ  ሰለስተ ዋርድያ ኣሰንዩ፡ ብኮንትሮ-ባንድ ላንድ-ኮለዘር ጌይሩ ብኣውራጃ ከሰላ ኣቢሉ ንሱዳን ብድሕሪ ምእታዉ፡ ኣብ ዶብ ሱዳንን ግብጽን ዝርከብ ኣቡ-ሓምድ ናብ ዝተባህለ ፍሉይ ቦታ  በጺሑ ክልተ ላዕለዎት ሓለፍቲ ግብጺ ሒዙ ንኤርትራ ምምላሱ ተገሊጹ። 
  7. ኣብ ፍሉይ ወተሃደራዊ ስልጠና ኣትዮም ዝርከቡ ኣህዱታት ተቓወምቲ ኢትዮጵያ ብግብጻውያን ሱዳናውያን ኤርትራውያን ትምህርቲ ይወስዱ ምህላዎም ብተቓወምቲ ሱዳን ዝፍለጡ’ውን ኣብ ተመሳሳሊ ታዕሊም ኣትዮም ከም ዘለዉ ተሓቢሩ። 
  8. ማሕሙድ ኣደም ዝተባህለ ተቐማጢ ንኡስ ዞባ ጉልጅ ብ14 መጋቢት 2014 ኣብቲ ከባቢ ክልተ ኢትዮጵያውያን ኢዮም ዝተባህሉ ሒዙ ንጸጥታ ገባቲ ስርዓት ህግደፍ ብድሕሪ ምርካቡ፡ ኣብ ተሰነይ ብኮነረል ሓምደ ዝተባህለ ምርመራ ይካየደሎም ምህላዉ ተፈሊጡ። እቶም ዝተታሕዙ ክልተ ኢትዮጵያውያን ዝተባህሉ ንተቓወምቲ ንምጽናዕ ከም ዝመጹ ኣሚኖም ዝብል ወረ ብ09 ይናፈስ። ማሕሙድ ኣደም ብስለያ ከም ብልጫ 5,000 ናቕፋን ሓንቲ ሽጉጥን ተሸሊሙ፡ ኣብ ዓዱ ኮይኑ ናይቲ ስለያ ብምዃን ክሰርሕ ተመዚዙ ምህላዉ፡ ምንጭታት ኤርትራዊ ስምረት ንደሞክራስያዊ ለውጢ የረጋግጹ።

 

ቤት ጽሕፈት ዜናን ሓበሬታን
ኤርትራዊ ስምረት ንደሞክራስያዊ ለውጢ (ኤስደለ)
27 መጋቢት 2014